EITB MEDIA

Prentsa ohar honen bidez LAB sindikatuak EITBn duen ordezkari bat anonimo baten aldetik pairatzen ari den mehatxuak salatu nahi ditu. Astebete baino gutxiagoan barruan kaka zuten pakete bana birritan bidali egin dira ordezkari honen izenean, lehen aldian EITBk Bilbon duen egoitzako LABen bulegoaren aurrean utziz, eta bigarrenean ordezkari bearen izenean ere bidalia, kasu honetan gezurrezko bidaltzaile bezala EHBILDUko parlamentari baten izena erabiliz.

Prentsa ohar honen bidez LAB sindikatuak EITBn duen ordezkari bat anonimo baten aldetik pairatzen ari den mehatxuak salatu nahi ditu. Astebete baino gutxiagoan barruan kaka zuten pakete bana birritan bidali egin dira ordezkari honen izenean, lehen aldian EITBk Bilbon duen egoitzako LABen bulegoaren aurrean utziz, eta bigarrenean ordezkari bearen izenean ere bidalia, kasu honetan gezurrezko bidaltzaile bezala EHBILDUko parlamentari baten izena erabiliz.

Joan zen ostiralean hedabide batek zabaldu zuenez, EITBn egitekoak diren oposizioetara aurkezturiko «hainbat» lehiakidek euren datuekin aurkezturiko gutunazalak «galdu» egin zituen irrati telebista publikoak. Oposizioetako epaimahaia bildu zen atzo, eta gertaeraren inguruko azalpenak eman zizkieten lehiaketa publikoaren antolatzaileek langile eta sindikatuei. Esan zutenez, ez da gutunik galdu; lau erreklamatu zituzten, eta guztiak agertu dira. EITBko zuzendaritzak atzo argitu zuenez, gutunak sailkatzeko prozesuan sortu da nahasmena.

Luze eta zabal idatzi eta hitz egin dugula hasi dugu argitaratu berri den iritzi artikulu batean EITBko LABekook, oraingoan labur labur azalduko dugu azken gertakizuna.

Kontua da ostegun gauean Bilboko EITBren egoitzako LABen bulegoaren aurrean kutxa bat utzi zuela norbaitek.

Besterik gabe, EITBko LABek zera adierazi nahi du, nahikoa dela publikoan eta pribatuan ematen ari diren egi erdi, manipulazio eta gezurrekin lanpostuen deialdi publikoa bertan behera gelditzea saiatzen ari diren hainbaten aldetik. Eta are onartezinagoak direla anonimotasun koldarraren babespean egiten direnak. Azken gertakizuna sinesgaitza izanik soilik jokabide indibidual bati lepora badakioke ere, «denak balio du» ildo horretan kokatuta ikusten dugu eta eztabaidak eta kritikak era normalizatu batean egin daitezela, egia aurretik eta aurpegia emanda.

LAB-EITBren iritzi artikulua

Luze eta zabal hitz egin eta idatzi da iragan apirilaren 29an EITBko Administrazio Kontseiluaren gehiengoak —soilik PPren kontrako botoekin— adostu zuenaren inguruan. Ez dugu bere edukia berriro azaltzeko asmorik, baina alboratzen ari diren hainbat eztabaida lehen lerrora ekarri nahi ditugu, Euskal Herrian eraiki nahi dugun publikoa den horretan eragin zuzenak dituztenak. Horixe da artikulu honen xedea.

"Cuadrilla busca cita" programaren inguruan sortutako hika-mikaz aritzen da gaur Josebe Egia GARA egunkariaren asteleheneroko zutabean.

ETBk «Cuadrilla busca cita» saioa bertan behera uzteko erabakiaren harira, honela zioen tipo batek, sarrera gisa, bere iritzi zutabean: «Emakume eta gizonen arteko berdintasunaren xede geldiezinari gerta dakiokeen gauzarik txarrena da bere burua barregarri jartzea, gehiegikerien, hersturen, biktimismoaren eta gustuko ez duen egiaren okultismoaren bidez». Eta bukaera aldera: «Hau da ETBren aukera galdua: gure neska-mutilei espontaneoak izaten utzi eta nabarmen laga zezatela berdintasuna erdiesteko geratzen den bide luzea». Tartean, erradikalismo feministaren inkisidoreak (inquisidoras, haren hitz zehatzetan), EITBko gerra sindikala, oportunismo politiko mehatxatzailea, hedabide antinazionalisten babesa, Emakunderen txaloak, Glenn Fordek Gildari emandako beste txalo ospetsu hori, zentsuraren praktika onanista eta «gertatzen dena sentitzea»-ren aldeko neurologo baten iritzia ere aipatuta.

EiTBk Eusko Irratia EA sozietaterako onartutako Enplegu Deialdi Publikoa deitu du, 49 lanpostu betetzeko.

Informazio guztia eitb.com-en. Xehetasunak eta zalantzak argitzeko gurekin ere harremanetan jar zaitezke.

• BERRIA: EAJ, PSE eta PP, EITBn Kutxabanki buruz eztabaida sustatzearen aurka

  • PSEk eta PPk diote giza kateak tarte handiegia izan zuela

  • Enplegu Publikoaren Deialdiak bere horretan jarraituko du.

• GARA: PNV, PSE y PP, en contra de que EiTB fomente el debate Kutxabank

Euskal Herriko Mugimendu Feministako ordezkariak «pozik» daude, atzo EITBko zuzendaritzarekin Bilbon izandako bileraren ostean. Gainera, EITBk zuzeneko solaskide izatea onartu dio mugimendu feministari. EITBk gizarte eskakizuneko hitzarmenaren barnean lantzen ditu berdintasun gaiak, eta bi urtean behin egiten duen batzarrera eragile gisa gonbidatuko du Euskal Herriko Mugimendu Feminista.

Duela gutxi Radio Euskadiko langile talde batek argitaratu duen “Irrati Publikoaren Aldeko Manifestua” izeneko oharra dela eta, LAB sindikatuak horrekiko duen jarreraren berri eman nahi du.

LABetik urteak daramatzagu enteko zuzendari ezberdinen kudeaketa salatzen. Kudeaketa horren ezaugarriak dira batetik ildo editorialarekiko interes politiko zehatzak eta bestetik ilunkeria eta eremu askotan ematen den gardentasun falta. Honi guztiari Eusko Jaurlaritzak ezarritako murrizketa politika gehitu behar diogu, manifestuaren sustatzaileek beraiek ondo dioten bezala, EITBk ematen duen zerbitzu publikoaren kaltetzeko arriskua areagotu duena hain zuzen.

LAB Sindikatuak «Cuadrilla busca cita» programaren inguruan ETBk atzo harturiko erabakia oso modu positiboan balortzen du.

Gure ustez aipatu genuen gisa hartu zitekeen erabaki egokiena eta bakarraren aldeko apustu egitea eta esparru ezberdinetatik jaso zituzten ezadostasunak kontuan hartu izanak poisitiboki baloratzen ditugu.

(AZKEN ORDUKOA: ETBk progama kentzea erabaki du. Borrokak balioa du. ETBn Eduki Sexistarik EZ!)

Astelehenean ETBko sindikatu guztiok berdintasun batzordeari bilkura urgentea eskatu zitzaion eta atzo asteazkenean egin genuen. Bilera honen helburua, aurreko Igandean “Cuadrila Busca Cita” emititutako programaren edukien inguruan eztabaidatzea zen.

LABetik argi azaldu genien ez gatozela bat kate publiko batean horrela eduki sexista eta eredu heteropatriarkalean sakontzen duten programaziorik emititzearekin.

LABentzat, programa honek bultzatzen dituen baloreak Emakume eta Gizonen Berdintasunerako legea bera ere urratzen du. Eta urteetan zehar emakumeonganako indarkeriari aurre egiteko egiten ari garen lana atzera bidean kokatzen du.

LABentzat jendartean errotua dagoen eredu heteropatriarkala gainditze, bestelako baloreak sustatzea eta eskubide berdintasunean oinarritutako jendartea eraikitzea denon ardura dela deritzogu. Kasu honetan gainera EITB kate publikoa izanik ardura berezia izan beharko luke horretan.

Ekainaren 15ean, igandean emititu zuen EITBko bigarren kateak Cuadrilla busca cita saioa lehen aldiz. Harriduraz, amorruz eta haserrez jaso ditugu bertan ikusi eta entzundakoak.

Cuadrilla busca cita telebista saioa lehen segundotik azkenera arte eduki sexistetan oinarrituta dago, zeinetan maskulinitate eta feminitate eredu hegemonikoen sustapena dagoen oinarrian. Mutilak dira: aktiboak, subjektuak, eta neskak, aldiz, objektuak. Saioaren tesirik nabarmenena hauxe da: «Ez gara pertsona osoak; laranja erdiak gara, eta beste erdiaren beharra daukagu», hortaz, emakume bat gizon batek osagarritu beharko balu bezala. Gizon guztiak heterosexualak, emakume guztiak heterosexualak, beraien genetikan idatzia egongo balitz bezala. Mutilek casting antzeko bat egiten diete neskei. Neskak banaka jaisten dira, pasarela bilakatzen den korridore bat zeharkatuz; bost mutilek galderaz josten dituzte neskak, eta beraien helburua kuadrillako lagunari neska bat aurkitzea da. Ahalko balute bezala; hau da, kuadrillakoek neska-laguna aurkitzen diote taldeko azken mutil zaharrari, adin batetik aurrera bizitzako helburu nagusia bikote bat osatzea delako, eta ezkontzea, noski. Egiten diren galderak filtrorik gabeko astakeriak dira, bikotekidea casting batean aurkitzerik balego bezala. Kasu honetan, kuadrillako mutilek aurrean dituzten neskak epaitzen dituzte, gustokuak salbatuz eta besteak saiotik kanporatuz.

#ETBnEdukiSexistarikEz traola azken 24 orduetako erabiliena izan da euskaraz Twitter sare sozialean. ETB2k igande gauean estreinatu zuen “Cuadrilla busca cita” telebista saioak eragin du protesta.

Edorta Arana, Tontxu Campos, Karmelo Landa, Bea Narbaiza, Txema Ramirez de la Piscina - EITBko administrazio kontseiluko partaide

Hogeita hamar urte luze joan dira bertoko irrati-emisore publikoen birjaiotzetik eta oraindik Euskal Irrati Publikoa aldarrikatzeko manifestuak sinatzen gabiltza. Zergatik, zer dela eta ? Joandako urte guzti horietan burutu den kudeaketak ez dituelako bermatu oinarrizko printzipioak, artean zerbitzu publikoa, euskara sustatuko duen programazioa eta kontratazio sistema gardena. Azken honi dagokionez, eta gaur gaurkoz eztabaida gai bilakatu delako, kontratazio sisteman irregulartasun larriak egon dira eta lan arloko epaiek adierazi dutenez egoera hori konpondu beharrekoa zen. Jendarteari zerbitzu bat eskaintzera dedikatzen diren komunikabide publikoen kasuan, hezkuntzan edo osasungintzan bezalaxe, langileen kontratazioa berdintasunean, merituan eta kapazitatean oinarritu beharra dago. Bestelako bideak erabiltzeak publikotasunari iruzurra egiteaz gain, beharrezkoa den independentzia eta profesionaltasuna arriskuan jartzen dituelako.

Askotariko iritziak entzun dira azken egunetan apirilaren 29an EITBko Administrazio Kontseiluak Eusko Irratiko kontratazioen inguruan hartutako akordioaz. Lehenik eta behin akordio hori Administrazio Kontseilua osatzen duten eragile politiko, sozial eta sindikalen bi herenen gehiengo kualifikatuak onartuta eman zela azpimarratu nahi dugu (LABen ustez kontrako bozka bakarrak PPren eskutik etortzea nahikoa esanguratsua delarik).

• Auziaren gakoak
• Enplegu publikorako sarbideari buruz
• Nork, nor eta zenbat kontratatzen den gaiaz

PSEk aurkeztutako legez besteko proposamena, Eusko Irratiko EPDa (Enplegu Publikoaren Deialdia) bertan behera gelditzeko eskatuz.

Atzo bertan bere balorazioa plazaratu zuten LABek eta EHBILDUk. Labur labur, hauek izango ziren atzo Gasteizko parlamentuko eztabaidan izan ziren agerraldien gakoak:

LAB sindikatuaren ustetan, ulertezina da PSEk Eusko Irratian inoiz egin den Enplegu Publikoaren Deialdirik handiena bertan behera uzteko Legebiltzarrean aurkeztu duen legez besteko proposamena. Are ulertezinagoa erabaki hau hartu zen Adminstrazio Kontseiluaren bileran kontra azaldu zen eragile bakarra Alderdi Popularra izan zela kontuan hartuz; orduan, PSE abstenitu zen eta gaurkoan aldiz, PPren posizioarekin lerrokatu egiten da. PSE agintean egon zenean arazoa konpontzeko urratsik ez zuen eman, eta aurpegia garbitzeko oraingoan ere ez dio muzin egiten kontraesanetan erortzeari. Lanpostuen deialdia atzera botatzen saiatzeko proposamenarekin bat egin du PSEk, PP eta UpyDrekin, esplizitu eta publikoki EITBko plantilla murriztu egin behar dela baieztatu dutenak.

LABen ustetan, Administrazio Kontseiluak hartutako erabakia positiboa da, besteak beste honako arrazoiengatik:

Euskarazko hedabide publikoak Nafarroan ikusi ahal izateko, Administrazioan Euskaraz Taldeak elkarretaratze baterako deia egiten du:  Elkarretaratzea ekainaren 14an izanen da, larunbatarekin, eguerdiko ordu batean, Iruñeko Udal plazan.

AITZAKIARIK EZ, GEZURRIK EZ! ETB IKUSI NAHI DUGU!

ETB1, ETB3, EUSKADI IRRATIA ETA GAZTEA IRRATIA NAFARROAN!!

M4Fko Komiteak eta EITBnet eta EITBko LABeko ordezkariek EITBko eta M4Fko arduradunek konpainia likidatzeko hartzekodunen konkurtsoa aurkeztu izana salatu dute. Ekainean langileen erdia kaleratzeko asmoa dute eta gainerako lanpostuak lana erregulatzeko bigarren txosten baten bidez deuseztatuko dituzte 2014ko abenduan, enpresa behin betiko itxiz.

Maiatzaren 30ean egindako kontzentrazioaren irudiak ikusteko klik egin argazkian

123 enpresa ezberdinetako ordezkari sindikalek Gure Esku Dago dinamikak ekainaren 8rako deitutako giza-katearekiko bere konpromezua erakutsi dute

EITBko LABeko ordezkari bat egon da ekitaldian, eta langile guztiok Gure Esku Dago dinamikan parte hartzeko deia luzatzen dizuegu.

Bestetik, gogoratu ere gaur Miramonen eta astelehenean Gasteizen, biak 14:00etan, LABek deitutako batzarrak daudela Eusko Irratian

Komunikabide publikoaren zuzendaritzak Josu Jon Imaz eta beste politikari batzuk aipatzen diren diren bideoa desagertarazi du.

Bideoa ikusteko klik irudian

EiTBren zuzendaritzari gai konkretu batzuk deserosoak suertatzen zaizkio eta zuzenean zentsuratu egiten ditu. Hala egin du "Euskadi Movie" saioan, umorez eta ironiaz egindako saioa izan arren. Unai Urruzuno legebiltzarkideak adierazi duenez, zuzendaritzaren zentsurak "ez dauka mugarik". "Behin eta berriro saiatzen dira edukien gaineko kontrol eta inposizio ideologikoa egiten", salatu du.

Nafarroako Gobernuak ETBri esan dio pilota partiden eskubideak lizentzia duten beste kateekin partekatzeko

Nafarroako Gobernuak Eusko Jaurlaritzari ohartarazi dionez, ETBk seinalea digitalizatzeko eginiko proposamena «legez kanpokoa» da, Espainiako Industria Ministerioaren baimenik gabe Nafarroako lurreko telebista digitaleko seinaleak hartuko lituzkeelako.

Gaurko EITBko Administrazio Kontseiluaren bileran Eusko Irratian aspalditik eman den irregulartasun bat konpontzeko bidea onartu da. EAJ, EHBILDU, Euskaltzaindia eta Eusko Ikaskuntzako ordezkariekin batera (PSE eta Kontsumitzaileen ordezkariak abstenitu ziren, eta soilik PPko bi kideek kontrako bozka eman zuten) LABek aldeko botoa eman du hiru arrazoi nagusirengatik: kontratazio finko eta ebentuala era objektibo eta gardenaz egingo delako; irrati guztietan elebitasuna finkatzen hasten delako; eta irratiaren egiturako langileria sindikatuekin negoziatzea bermatzen delako dagoeneko 49 lanpostu finko bihurtuz.