EITB MEDIA

EITBko langile batzordeek gogor gaitzesten dugu Estatu Batuetako agintariek, Boisera (Idaho) 2025eko Euskal Jaiaren berri ematera zijoan Urtzi Gartzia kazetariari sarrera ukatzea.

Onartezina da  beharrezkoak diren baldintza eta bisatu guztiak bete arren, herrialdera sartzea ukatzea azalpen argirik eta arrazoirik eman gabe.

Uztailaren 8an Galiziako Parlamentuak, PPren gehiengo absolutuarekin, Corporacion de Servizos Audiovisuais de Galicia-ko zuzendari orokorra izendatuko du , gardentasunik gabe, interes alderdikoiez, eta  hemendik hilabetera indarrean sartuko den hedabideen askatasunari buruzko Europako arautegi berriaren (EMFA) irizpideak kontuan izan gabe 

Duela aste batzuk deitu genituen asanbladetan azaldu genizuen bezala, hainbat negoziaketa mahai transbertsal dauzkagu une honetan irekita zuzendaritzarekin, horietako bat Telelana EITB Median lan modalitate berri gisa arautzeko helburuz sortutakoa.

Tristea da, baina 2025ean ari gara negoziatzen, Katalunian, adibidez, 2021etik jada indarrean dagoen araudi bat TV3n, Catalunya Radion eta arlo digitalean.

Bihar, otsailak 20, Eusko Legebiltzarrak EITBko administrazio kontseiluko kide berriak aukeratuko ditu. 19 kide aukeratu behar dira, eta horietariko bat sindikatuetako ordezkari bat izan ohi da. Oraingoan, badirudi negoziazioetan EAJk sindikatuetako ordezkaria UGTko kidea izatea inposatu duela, logikatik at.

LABek ez du onartzen langileok ordezkatuko gaituen sindikatua UGT izatea; hain zuzen, EITBn ordezkaritzarik inoiz izan ez duena. Sindikatu honek batez ere eremu publikoan euskararen kontra
duen jarrera eta azken aste hauetan EITB zuzendari ez euskaldunak izendatzeko izaten ari den joera kontuan hartzen baditugu, erabakia are larriagoa izango da.

Idatzi honen bidez, EITBko ELA, LAB eta ESK sindikatuok, Aldatu Gidoia ekimenak eta manifestuaren sinatzaileok geure kezka agertu nahi dugu, EITBko zuzendaritza-postuak hautatzeko prozesuetan ez direlako euskararen ezagutzaren eskakizuna betetzen ari.

EITBko Zuzendaritzak euskarazko C1 maila izatea ipini du baldintza gisa azken urteetan zuzendari berriak hautatzeko deialdietan. Haatik, 2024an orain arteko bidean atzera egin eta hiru ardura postu esleitu dira euskara eskakizuna betetzen ez duten hiru pertsonari: EITB Mediako Zuzendaritza, EITBko Social Mediaren eta eitb.eus-en Zuzendaritza, eta Zuzendaritza Komertziala. Areago, atera berri diren deialdietan jada ez da C1 maila eskatzen. Baldintza bakarra da «gaztelania, euskara eta ingelesa jakitea» , zehaztapen gehiago egin barik. Hori da, esate baterako, Primeran plataformako eduki arduraduna izango denari eskatzen zaiona. Horiek atera dira azalera azkenaldian baina lehendik ere gabezia larriak daude hainbat arduradun eta zuzendarien euskara mailan. Gaztelanieraz onartuko al genuke Zuzendari Nagusiak agerraldi publikoetan euskaraz erakutsi duen maila?

Atzo EITBren Bilboko egoitzan GUAU plataformaren aurkezpenea zela eta, EITBko sozietateetako langile batzordeetako kideok agertu ginen kanpoaldean. Aurreko urtarrilaren 28an administrazio kontseiluaren bileraren aurretik bezala pankartarekin egon ginen.

EITBko zuzendaritzak eitb.eus eta EITBren Sozial Media zuzendari izateko lan-eskaintzaren oinarriak manipulatu ditu, hautaketa prozesuan egindako urraketa ezkutatzeko asmoz

Irudi batek mila hitzek baino gehiago balio omen du. Bada, hor duzue ezkerretan zeintzuk ziren eitb.eus-eko eta EITBren Sozial Media arloko zuzendari izateko ezinbesteko baldintzak 2025eko urtarrilaren 8an -EITBko lan eskaintzen atarian zegoen deialdian-, Nagore de los Rios, pertsona hautatua lanean hasi zenean. Euskaraz C1 maila izatea zen lehen baldintza.

Azken 3 urteetan 20-21 legeak administrazio guztiei inposatu dizkien egonkortzeko prozesuetan buru belarri murgilduta egon gara. Denbora horretan zuzendaritzak  prozesu horiei eman die lehentasuna,  gardenak, bidezkoak eta legezkoak izan zitezen eta langile batzordeek planteamentu hori onartu zuten.

Egokortzeko prozesu hori abenduaren 31an amaitu zen. Bitartean, lan baldintzekin lotutako gai ugari sortu dira baina atzeratu behar izan dira interferentziarik ez egiteko.

EITBko zuzendaritza nagusiak eitb.eus eta Social Media atalerako zuzendari berria hautatu berri du, EITBren webgune berrien sorkuntza prozesua amaitzeko. Pertsona horren ardura izango da, eitb.eus zuzentzeaz gain, jaiotzear den atari digital berria abian jarri eta horren zabalkundea gidatzea.

EITB Mediako LABek gogor salatu nahi du EAJk, beste behin ere, EITB bere interes alderdikoietarako  erabiltzeko erakutsitako asmoa, eta, oraingoan, gainera, batere lotsarik gabe eta inpunitate osoz, publikoki adierazi izana. 

EAJk "Herriaren zerbitzura dagoen alderdia" izeneko 4. ponentzia argitara eman berri duen honetan, komunikazioa hobetzeko irizpideen inguruan EITBri erreferentzia zuzena egiten dion honako hausnarketa jaso du: "Ente publikoak gizartearen aniztasuna islatzen duela bermatzea, tresna politiko bihurtu gabe, baina alderdiaren interes legitimoetatik aldendu gabe".

Langileen % 76k babestu dute LABek EITBNETen aurkeztu duen hautagaitza, urriaren 28an egin diren hauteskunde sindikaletan, eta, ondorioz, LABeko bost ordezkarik osatutako Langile Batzordea izango da, beste behin, EITBNETen.

2012an lehen hauteskunde sindikalak egin zirenetik gaur arte, LABek soilik izan du ahalmena hautagaitza aurkezteko EITBNETen izan diren deialdi guztietan. Oraingoan ere hala gertatu da, eta, beraz, hasieratik jakina izan da nortzuek osatuko zuten EITBNETeko Langile Batzordea hurrengo legealdian.

Zuzendaritzaren azken inposizioei planto egingo diete, eta irailaren 26an eta urriaren 19an ere grebara joko dute. Lan-baldintzak duintzeko benetako negoziazioa dute aldarri, enpresak aldebakarreko hainbat moldaketa egin baititu, beharginen kaltetan. Deialdiak jarraipen zabala izan du eta gaurkoan gutxieneko zerbitzuak baino ez daude martxan. Gasteizko parlamentuaren aurrean kontzentrazioa egin dute grebalariek.

EITBko irratietako langileek irailaren 14an, 26an eta urriaren 19an greba egitea erabaki eta gero, ETBko zein EITBNETeko Langileon Batzordeek elkartasun osoa adierazi nahi diegu irratiko lankideei, eta euren aldarrikapenekin bat egiten dugula azpimarratu nahi dugu.

13 urte daramatzagu lan hitzarmena berritu gabe. Bitartean gainera, gure zereginak eguneratu eta egokitu behar izan ditugu, lan baldintza berri horiei buruz negoziatu ezinik. Horren aurrean, inposizioez nazkatuta gaudela jakinarazi nahi dugu, eta aldarrikatzen dugu negoziaziaketa markoa errespetatzeko, eta gure lan baldintzak hobetzeko, egiten dugun lana aitortzearekin batera.

Bost langile legez kanpo azpikontratatuta zeudela eta, beraz, EITBko beharginak direla aitortzea lortu dugu lau urteko ibilbide judizialaren ostean.

2019ko udazkenean, Lan Ikuskaritzara jo zuen LABek, EAZ-CAUko (Erabiltzaileen Arreta Zerbitzua) bost langileren lagapen ilegala salatzeko. 2021ean, ikuskaritzak arrazoia eman zion, baina EITBko zuzendaritzak ez zuen ebazpena onartu, eta Bilboko epaitegiak eraman zuen auzia.

Miramongo Euskadi Irratiko Langile Batzordeak eta Euskadi Irratiko Erredakzio Kontseiluak Euskadi Irratiaren udako programazioan murrizketak egiteko zuzendaritzaren erabakia eta erabilitako irizpideak gaitzesten ditu.

Zuzendaritzak aurrekaririk gabeko erabakiak hartu ditu, alde bakarrez. Besteak beste:
• Uztailaren 3tik irailaren 3ra, Euskadi Irratiak ez du gaueko albiste emankizunik eskainiko, 01:00-04:00 bitartean.
• Astegunetan, 14:00etako eta 19:00etako albistegien iraupena murriztuko da eta baita asteburuko albistegien iraupena ere.
• Eguerdiko kultura albistegiaren bigarren emisioa eskainiko da arratsaldez (berremisioa).

Atzo hauteskunde sindikalak izan ziren Euskal Telebistaren bi egoitzetan, eta bietan irabazi zuen LABek inoizko parte hartzerik handienarekin, EITB Median ere lehen indarra izaten jarraituz.

Urtarrilaren 12an estreinatu zuen ETB2k “Akelarre” Saioa, ostegunetako prime timean. Bost saioren ondotik, nabarmen geratu da saioaren zuzendaritzaren eta aurkezlearen jarrera iraingarria euskaldunokiko zein euskal kulturarekiko.

“¡Eres pelotari!… ¡Harrijasotzaile!….” gonbidatuak extralurtarrak balitz bezala tratatzea, euskara hizkuntza gisa erridikulizatzea, irritziaz barre egitea, Unai Elorriaga 2002 Espainiako Narratiba Saria euskaraz idatzita irabazi zuen idazlea gutxiestea…. Norbere buruari barre egitea gauza bat da eta burla egitea beste bat. Saio honek iraindu egiten gaitu euskaldunok astero-astero, erridikulizatu, gure herrian “arrotz”, “exotikoak” bagina bezala, erakutsi. Ados al dago Euskal Irrati Telebistako zuzendaritza “Akelarre” saioak euskaldunoi egiten digun burlarekin?

Datorren otsailaren 23an ETBko hauteskunde sindikalak ospatuko dira Bilbon eta Miramonen. Lau urte iragan dira ETBn (Bilbon zein Miramonen) langileen gehiengoaren babesa lortu zuen  sindikatua bihurtu ginenetik. Ez dira errazak izan lau urte hauek: pandemia luze bat eta egonkortze prozesu baten hasiera kudeatzea suertatu zaigu. Era berean, behin-behinekotasunaren aurka borrokatzen jarraitu dugu eta langileen eskubideen aldeko eta hitzarmenaren urraketen kontrako lana egunerokotasuna izan dira. Gogor lan egin dugu epaitegietan, mobilizazioetan eta  negoziaketa mahaietan. Lorpen ugari izan ditugu, baita oraindik konpondu gabe baina borrokan dihardugun afera nahiko ere.

Azken lau urteotan LABek egindakoa eta datozenerako proposamenak irakurtzeko klik egin irudietan... eta 23an bozkatzera!

EITB, PUBLIKOA ETA ANITZA. ZENTSURARIK EZ!

Informazio publikoa gobernuaren edo erakunde baten irizpide politiko, ideologiko edo moralen arabera aldaraztearen edo ezabatzearen ekintzari esaten zaio zentsura. Eta hori da, hain zuzen ere, EITBn aplikatzen dena: zentsura.

Azkeneko adibidea joan den urriaren 16an ikusi genuen. Maddalen Arzallus ETBko ‘Biba zuek!’ saioko aurkezleak Euskadi Irratiko ‘Faktoria’ programan egindako bertso musikatua eitb.eus ataritik eta EITBko sare sozialetatik kentzeko agindua eman zuen zuzendaritzak, sektore ultraeskuindarrek Twitterren abiatutako kanpainari men eginez.

Con el objetivo de hacer frente a la conflictividad laboral y las luchas sindicales en el terreno jurídico, la radio televisión pública realizó 211 contratos menores y dos adjudicaciones por valor de de 207.969 euros para contratar los servicios jurídicos del exgestor del PSE-EE

Sektore publikoan behin-behinekotasun tasa murrizteko abiatuko diren ezohiko prozesuen baitan, EITB Median 263* lanpostu publiko egonkortuko dira, 196 merezimenduzko lehiaketa bidez eta 67 lehiaketa-oposizio bitartez.

Badakizuenez, enplegu publikoa egonkortzeko 20/2021 legeak zehazten ditu prozesu hauek egiteko epeak, deialdi motak eta eskaini beharreko plaza kopuruak identifikatzeko irizpideak. Lehenengo fasea, ekainaren 1ean amaituko da. Ordurako administrazio eta enpresa publikoek zenbat lanpostu egonkortuko dituzten iragarri behar dute.