EITB MEDIA

• GARA: EiTB veta el anuncio de ‘‘El desarme’’ alegando «contenido político»
• GARA EDITORIALA:EiTB resbala por la pendiente de la censura
• BERRIA: 'Gara'-k salatu duenez, EITBk haren liburu baten iragarkia zentsuratu du
• GARA 2018.02.28: La dirección de EiTB hace suyo el veto a «El desarme» por «político»

Iñaki Egaña historialariak idatzitako “Armagabetzea – Euskal Bidea” liburua iragartzeko editorialak prestatutako iragarkia ez emititzea erabaki du EITBk. NAIZ komunikabidearen arabera, EITBko zerbitzu juridikoek zentsuraren arrazoia eduki politikoetan oinarritu du. Halere “EiTBren hedabideetan publizitatea emititzea erregulatzeko arauak” delako txostenaren “printzipio orokorretan” ez da halako arrazoirik esplizitatzen. Zuzendaritzak interpretazio bihurriegia egin du gure iritziz.

La antigua productora del director de ETB multiplica por ocho sus ingresos desde su nombramiento

Baleuko, la antigua productora del director de ETB, Eduardo Barinaga, recibió en 2017 1,6 millones de euros en contratos para la elaboración de 19 programas. En 2014, el año en que Barinaga fue nombrado por Maite Iturbe para hacerse cargo de las televisiones de EiTB, Baleuko produjo 4 espacios y percibió 0,2 millones de euros.

Kaixo lankide,

Euskal Herriko Mugimendu Feministak martxoaren 8rako deitu duen greba feministarekin bat egin du LABek ere.

Izan ere, 7.680 arrazoi baino gehiago ditugu planto egiteko: emakumeen eta gizonen arteko soldata ezberdintasunak, jazarpen sexuala, soldatapeko lanaren prekarizazioa eta soldatarik gabeko lanen aitortzarik eza,  zaintza lanen banaketa ez justua, kontziliazio  neurri iruzurtiak eta jaiotza sustatzeko politika atzerakoiak…. Eta gaur egungo sistemak emakumeon osasunean, pentsioetan, eta finean, gure bizi baldintzetan ezartzen dituen mugak, besteak beste.

Euskal Telebistako Erredakzio Kontseiluak gogor salatu nahi du Fase3ko kameralariak Iturengo inauterietan gure informatiboetarako irudi grabaketan ziarduela jaso duen erasoa. Era berean  gure elkartasuna eta babesa eskaini nahi diogu gure lankideari.

2018(e)ko urtarrilak 22 hedabideak, hizkuntza politika, komunikazioa, UEMA Erantzunak desaktibatuta daude UEMAren irizpideak eta eskaerak ETBk euskaldunak erdaraz hitz egitera behartzen dituenean sarreran

Azken egunotan, hedabideetan zenbait artikulu eta iritzi argitaratu dira ETBk euskal hiztunei gazteleraz hitz egitera behartzen dielako nahi baino gehiagotan. Zehazki, Alberto Irazu kazetariari Galder Perezek Radio Euskadiko Graffiti saioan euskaraz egindako elkarrizketaren harira sortu da hizpidea batean eta bestean. Ez da lehen aldia, noski. UEMAren irizpideei jarraituz, azken hilabeteotan behin baino gehiagotan entzun baititugu udalerri euskaldunetako alkateak eta ordezkariak euskaraz ETB2n edo Radio Euskadin. Usurbilgo alkate Xabier Arregiren edota Elgetako alkate Iraitz Lazkanoren jarrera, esaterako, eredugarria da, eta hauek zabaldutako bideari heldu diote ondoren beste hainbatek, gertaeraren baten harira mikroen aurrean hitz egitea egokitzen zaienean.

Josu Amezaga (Caracas, 1960) EHUko ikus-entzunezko komunikazio eta publizitate saileko zuzendaria da, eta Nor ikerketa taldean dabil lanean, hizkuntza, nortasuna eta komunikazioa ikertzen. Aurrera begira jarrita: komunikazio estrategia bat behar dugu artikulua argitaratu du Behategiaren urtekarian.

Nola uler daiteke hemen agintean hamarkada luzez egon direnek euskal komunikazio eremuaren alde erabakitasun handiagoz jokatu ez izana?

Zalantzan jartzen dut hemen interesa egon denik herri bat eraikitzeko. Epe laburreko interesak gidatu dituzte: nola eutsiko diogu dugun botereari? Epe luzerako estrategiak galdu dira. Baina historikoa ere bada jarrera: euskal agintariak ez dira inoiz arduratu euskal hizkuntzaz, kulturaz eta komunikazioaz. Ezker abertzalearen hutsegite estrategikoa ere egon da: Espainia autodeterminazio eskubidea onartzera behartzeari eman dio lehentasuna, baina ez da askorik arduratu gero ate hori zeharkatuko duen gizartea eraikitzeaz.

«EITBn telebistako tertulietan emakumeen presentzia handiagoa da irratietan baino». Hala esan zuen atzo Arantza Gutierrez EHUko irakasleak Eusko Legebiltzarrean, Oihana Etxeberrieta EH Bilduko legebiltzarkideak eskatutako agerraldian. Emakumeen Ikusgaitasuna Hedabideetan ikertzaile taldearen izenean mintzatu zen Gutierrez, eta ondorioztatu zuen gaurkotasun tertuliak «maskulinoak» direla. «Esate baterako, Radio Euskadiko Parlamento en las ondas saioan, ez da betetzen inolaz ere legebiltzarrean dagoen parekidetasuna. Alderdi politikoek gizonak bidaltzen dituzte saiora». Telebista saio baten kasu adierazgarria ere aipatu zuen: «ETB2ko El programa de Klaudio saioan, gehienetan bost gizon eta emakumezko bat egoten dira. Tonua erasokorra izaten da, eta emakume batzuek deseroso sentitzen direla esan izan digute».

Arantza Gutierrez irakaslearen ustez, EITBko saio batzuetan sexismoaren apologia egiten da

Atzo BERRIAn Maite Iturbek Miramon erreferentziazko zentroa dela baieztatzen zuen. LABek puntuz puntu gezurtatu egiten du.

Horretan, gure prentsaurrekoaren berria aurkeztean, bai aurkezleak zein pantailan agertzen ziren azpitituluetan “Los trabajadores y educadores de guarderias haran huelga el jueves” zabaltzen zuten.

Haurreskolak Partzuergoko langileen gehiengoa emakumezkoa izanda, hizkuntzaren erabilera ez zaigu egokia iruditu. Bestalde, gure prentsaurrekoan 0­3 zikloaren aitortza politiko eta soziala eskatzen zen bitartean, sektore feminizatu gehienetan gertatu ohi den moduan, gurean ere haurreskoletako lana zaintzarekin lotu zen albistegi honetan.

Jaurlaritzako Kultura Sailburu Bingen Zupiriak esan du bi hizkuntzetan ari direla esfortzua egiten

«Zazpi ordu gutxiago, zazpi, ETB1en». Hala jaso zuen Jokin Labaien BERRIAko telebista kritikariak urriaren 28an gertatutakoa. Kataluniako Parlamentuak errepublika independentearen deklarazioa egin eta hurrengo egunean, ETB2k Kataluniako egoerari buruzko bi saio berezi egin zituen —bata goizez eta bestea gauean—, zazpi orduan baino gehiagoan. Aldiz, ETB1ek albistegietan baino ez zuen landu Katalunian gertatzen ari zena. Egoera horren oihartzuna Eusko Legebiltzarrera iritsi da.

Atzo Espainiako gobernuak PP, PSOE eta Ciudadanos alderdien babesarekin beste hainbat neurri ankerrez gain "Corporació Catalana de Mitjans Audiovisuals" (CCMA) komunikabide publikoa bere gain hartzea erabaki zuen. EITBko LABek lehenengo eta behin Kataluniako prozesu demokratikoaren alde ari den jende guztiari gure babesa eman nahi diegu, gaur egun bereziki gartzelan sartu dituzte bi Jordiak nabarmenduz. Bide horretan Kataluniako komunikabide publikoko langileei ere gure babesa adierazi nahi diegu etor daitezkeen egun ilunen aurrean.

Euskal Herrian ederki asko ezagutzen ditugu espainiar estatuaren neurri antidemokratikoak, eta bere goi-asmoak lortzearren komunikabideak kontrolpean edukitzeak zenbaterainoko garrantzia duen: medioak itxi, kazetariak gartzelaratu, berariazko legeak sortu... Bide horretan gobernuek ezinbestekoa dute, komunikabide publikoak suntsitzea lortzen ez dutenean, sikiera kontrolatuta edukitzea. Eta ez hain zuzen ere jendartearen mesedetan, baizik eta unean uneko gobernuan dagoen alderdiaren mesedetan.

ETBk erabaki du ez duela gehiago emitituko astero literaturari eskaintzen zion Sautrela programa. Saioaren zuzendari ohiak, Beñat Sarasolak, esplikatu du zer proposatu zitzaion telebistako zuzendaritzari, programak martxan jarraitzeko.

“Azken-azken erabakiaren berri xeherik ez dut”, azaldu du Sarasolak eta gehitu du gai honi buruz esateko dauzkanak maila pertsonalekoak direla, “baina iazko denboraldia nola joan zen jakiteak argi pixka bat emango duelakoan nago”.

2016ko irailean hartu zuen Sautrela aurkezteko eta zuzentzeko ardura, Hasier Etxeberriak programa utzi behar izan zuenean. “Kontua da erredaktorerik ez zutela kontratatu, eta beraz, halako programa bat egiteko baldintza minimoetatik behera, erredaktorerik gabe alegia, egin genuela lan urte osoan”.

Katalunian Urriaren 3an antolatu den Greba Orokorra bultzatzeko Euskal Herrian antolatzen ari diren mobilizazioen testuinguruan, EITBko egoitzetan ere elkarretaratzeak deitu dira:

• Miramon: 10:00
• Bilbo: 12:00

#VagaGeneral3O #sindicatsxrederendum

Informazio eta adierazpen askatasun eskubideen urraketa berria egin du gaur Espainiar Estatuak TV3ri Urriak 1eko erreferendumaz informaziorik ez emateko agindua eman baitio. Kontuan edukita gaiarekin Estatuan gailentzen diren komunikabideek daramaten manipulazio eta partzialtasun handia, argi dago errealitate bat erabat isilarazi nahi dela. Izan ere ehunka mila jendek babesten duen bozkatzeko eta erabakitzeko eskubide demokratikoa ezkutatu nahi eta ezin den errealitate itzel bat da.

EITBko LABek TV3ko zein egun hauetan jazarpena jaso duten «El Vallenc» aldizkariko langileei ere bere elkartasuna adierazi nahi die. Era berean mehatxu mota guztiei jaramonik ez egitera animatzen ditugu ere.

Ohar hau probestu nahi dugu Catalunyako herriari gure animo guztiak luzatzeko, urriaren 1eko erreferenduma normaltasun osoa eta parte hartzerik zabalena izan dezan, eta aldaketa soziala ahalbideratuko duen independentzia zoriontsu bat opatzeko.

Sindikatuek diotenez, ETBko Miramongo egoitzak erreferentziazkoa izateari utzi dio, eta zentro «zaharkitu» bat da orain. Bi urtean, ez da fikziorik grabatu

Miramon, Donostia. Euskadi Irratiaren eta Gaztearen egoitza —EITB Neterako aritzen diren langileak ere han daude—. Baina espazio fisikoaren hiru laurden baino gehiago ETBk hartzen du, batik bat entretenimenduzko saioen ekoizpenerako. Dena den, ia bi urte dira han fikziorik grabatzen ez dela —Go!azen telesaila beste toki batzuetan grabatu dute—. Eskamak kentzen izan zen Miramonen grabatu zuten azkenekoa, eta dekoratuen parte batzuk desmuntatu gabe daudela ohartarazi dute LABeko eta ELAko ordezkariek —2016ko udaberrian erabaki zuen telebistak telesailarekin ez jarraitzea—. BERRIA saiatu da Miramongo zentroko arduradunekin hitz egiten, baina EITBk ez du erreportaje honetan parte hartu nahi izan.

Ana Ollo kontseilariak, joan den ostiralean, azken bi urte hauen balantzea egin zuen, eta hartan hau esan: Gobernu honi esker, "EITB berriz ere ikusten da Nafarroan, UPNren salaketa batek eragindako itzalaldiaren ondoren". Hori ez da egia osoa inondik inora ere. Nafarroako haur gehienak ETB3 gabe daude, hau da, euskarazko marrazki bizidunik gabe. Nafarroako Gobernuak herritarrei argitu beharko lieke PPren Gobernuak ez duela inolako asmorik ETB3rako lizentziarik emateko.

Hile hasieran «ETBko albistegiak: Muskerrak jantziak aldatu bai, baina musker izaten jarraitzeko» izenburupean ETBko LABek ateratako oharrak hautsak harrotu eta gaiarekiko hainbat erantzun eta ekimen eman dira. Gauzak puntu honetara iritsita, hainbat argipen eman nahi dugu:

• Lehenik, Aintzane Bolinaga Alcelay, Kultura Sailburuaren emaztea dela zehaztean lehen mailako afinitate bat dagoela da salatu nahi genuena.

• Bigarrenik, excusatio non petita acusatio manifiesta, LABek oharrean ez du une batean ere inoren profesional faltarik aipatu. Salatzen genuena izendapenak egiteko sistema iluna: aukera berdintasuna, objektibotasuna eta gardentasuna urratu zirela.

Halere, profesionaltasunaz ezer idatzi baino, gure ustez adibide moduan BIDEO HONEK argiago azaltzen du kontzeptu horren antonimoa. Askoren gogoan dago 1993ko hauteskunde autonomikoetan Jose Maria Callejarekin batera Floren Aoiz HBko hautagaiari egindako elkarrizketa. Kazetaritza fakultateetan aztertzeko modukoa da jokabide «profesionala». Kointzidentzia izan daiteke, baina gaur egungo Kultura Sailburua Ajuria Eneako Itunaren garai haietan Ardanza lehendakariaren komunikazio arduraduna zen. Orduan ere Aintzane Bolinaga Alcelayk eta Bingen Zupiria Gorostidi dagoeneko ezkonduta zeuden.

Baina ziur gaude hain zuzen ere Politika Arloko ardura bere «profesionaltasun» horregatik esleitu zaiola, nahiz eta aukera berdintasuna, objektibotasuna eta gardentasuna urratu den.

Unai Urruzunok hedabide publikoen independentzia zaindu beharreko balorea dela dio. “Horretarako, ezinbestekoa da goi-karguen hautaketa gardentasunez, aukera berdintasunean eta merituen arabera egitea”.

EH Bildu talde parlamentarioak legez besteko proposamena aurkeztu du gaur EITBko zuzendaritzari eskatzeko bi hilabeteko epean telebista eta irrati publikoetan karrera profesionala sustatu eta garatzeko plan bat aurkez dezala, “betiere programa eta albistegien ildo editoriala erabakitzen duten kargu guztiak (albistegietako buruak, erredakzio burua, editoreak eta arlo buruak) gardentasunez, aukera berdintasunean eta irizpide soilik objektibo eta profesionalen arabera hautatzeko, eta ez, orain arte bezala, konfiantza pertsonal edo politikoaren arabera”.

Euskal Irrati Telebista (EiTB) erakunde publikoak Bilbon duen bere egoitza nagusirako Juridikoko eta Lan Kontratazioko burua behar du

Euskal Irrati Telebista (EiTB) zuzenbide pribatuko erakunde publikoa ikus-entzunezko komunikazioko talde bat da, bere mendeko sozietateen bidez Euskal Autonomia Erkidegoko irrati, telebista eta Internet zerbitzu publikoak kudeatzen dituena, eta Bilbon duen bere egoitza nagusirako langile hau behar du:

Euskal Irrati Telebistak hautaketa-prozesua ireki du abokatua aukeratzeko asmoz. EiTB eta bere mendeko sozietateetarako lan egingo du, Zerbitzu Juridikoko eta Kontratazioko Zuzendaritzaren barruan. Kontratazioaren modalitatea errelebo-kontratua izango da.

Hauexek dira lanposturako betekizunak:

Maria Gonzalez Gorosarri - EHUko irakaslea

Kalitatezko telebistaz hitz egiten dugunean, Europan irrati-telebista publikoa aipatzen dugu, sinonimoak balira bezala. Izan ere, irrati-telebista publikoak ez daude ikusleen eta iragarleen merkatuaren menpe. Europa osoan telebista publikoak eta pribatuak oso ezberdinak dira, ETB izan ezik:

Udazkenerako osasun zerbitzua kanpoko enpresa baten esku uzteko asmoa duela jakinarazi digu EITBko zuzendaritzak langileon ordezkarioi eta laneko osasun batzordeari.  Aitzakia: orain arte lan kontratuarekin aritu den medikuak erretiroa hartuko duela eta ez omen dutela hura ordezkatuko duen medikurik topatu. Zehazki, ondokoa dio enpresak:

1. «Bakarrik denboraldi baterako eta soldata horrekin lan egingo duen enpresa medikuntzan espezializatutako mediku euskaldunik» ez dutela aurkitu.
2. Zuzendaritzak berak onartzen du zerbitzua kanporatu ezkero «kalitatea jaitsi daitekeela», baina, hala ere, «beste aukerarik ez dagoela» esaten du.
3. «Behin-behineko erabakia» dela eta «printzipioz urtebeterako» neurria izango dela sinestarazi nahi digute.

EITBko zuzendaritzaren erabakia okerra da eta neurri hori justifikatzeko erabili dituen argudioak iraingarriak dira langileontzat. Zergatik? Hemen erantzunak:

Argazkian, uztailaren 13an Bilboko egoitzan egindako elkarretaratzea

EH Bilduk susmoa du PPren presio politikoak eta alderdi horren eta EAJren arteko akordioek eragina izan dutela EITBren erabakian, dokumentala programaziotik kentzera behartu arte.

EH Bilduk azalpenak eskatu dizkio jada EITBko zuzendaritza taldeari, berehala argitu dezan zergatik ez zuen atzo gauean igorri ‘Las cloacas de Interior’ dokumentala, nahiz eta horren emisioa hilaren 7az geroztik aurreikusita zegoen. Izan ere, ETBk iragarrita zeukan programazioa aldatu zuen atzo eta, aipatu dokumentala eskaini beharrean, ‘La imagen de mi vida’ saioa eman zuen. ‘Las cloacas de Interior’ dokumentala Mediaprok ekoiztu du eta argitara ateratzen du Fernandez Diazen Barne Ministerioaren gerra zikina eta Poliziaren erabilera politikoa Kataluniako independentismoaren eta buruzagi independentisten aurka.

Europako irrati-telebista publikoen ereduak EITBrekin alderatu dituzte UEUn. Alemaniako eta Eskoziako kasuak azaldu dituzte

Komunikabideak eta herria: Telebista publikoa irudikatzen izenburupean, EITBko eredua Europako beste irrati-telebista ereduekin konparatu zituzten atzo Udako Euskal Unibertsitateko ikastaro batean, Eibarko (Gipuzkoa) Markeskoa jauregian. Eusko Ikaskuntzarekin elkarlanean antolatu zuen ikastaroa UEUk. Izan ere, euskal irrati-telebista publikoaren etorkizunari buruz hausnartzeko prozesua abiatu du Eusko Ikaskuntzak, eta iritziak jasotzen ari da, datorren urtean ondorioak aurkezteko.