Hemen zaude

"EL CORREO" ere, ETBko kazetariak presionatzen

ETBko kazetari batek Arnaldo Otegi kartzelatik ateratakoan dantza egitea albiste omen da. Inolako berezitasunik ez dagoen ekimen batean VOCENTO taldeko egunkaria ETBko kazetari bati jazarpena egiteko probestu egin du, horren bidez eta bide berean ETBren ildo informatiboa markatzeko.

Askotxo izan dira alderdi unionistek parlamentuaren bitartez zein bestelako ekimen publiko edo pribatuen bidez egin dituzten eta egiten ari diren presioak EITBren ildo editoriala euren irizpide ideologikoetara bideratzeko. Oraingoan jazarpen ideologikoa komunikabide pribatu eta boteretsu baten bidez egin da, eta zuzenean kazetari bat seinalatzen eta kriminalizatzen saiatuz. Eta "saiatuz" diogu, ezer esan gabe dena esan nahi delako, "dena ETA da" alegia.

EITBko LABek aspalditik adierazi izan duen nazka areagotu egin da gaur. Lehenik eta behin, seinalatua izan den gure lankidearekiko elkartasun eta babes osoa eskaini nahi diogu. Bai eta zigortuta daudenei eta izan daitezkeenei ere, presio mota guztiak salatzera animatzearekin batera.

Alderdi, gobernu, hedabide eta bestelako botereei EITBko langileak bakean uzteko exijitzen diegu, lana ahalik eta modu profesionalean egin ahal izateko. Bide berean EITBko Zuzendaritzari exijitzen dioguna da presio horietan ez erortzeko, eta langileak erabiltzen eta presionatzen ez jarraitzeko.

A la periodista Ainhoa Lendinez, de ETB, que bailó para Otegi en el homenaje por su puesta en libertad

La redactora de los informativos de ETB Ainhoa Lendinez bailó el aurresku para Arnaldo Otegi en las puertas de la prisión de Logroño donde fue liberado la pasada semana. La periodista participó en el homenaje al ex dirigente de Batasuna de forma voluntaria y advirtiendo previamente a la dirección de la cadena. Reconociendo toda la libertad ideológica de su decisión, ésta choca con cualquier código ético periodístico. Guindilla a la periodista vasca.

http://www.elconfidencialdigital.com/opinion/la_guinda_y_la_guindilla/la...

Arnaldo Otegi askatu eta ondorengo ekitaldietan gure lankide baten parte hartzeak izan duen oihartzun politiko eta mediatikoaren inguruan, Erredakzio Kontseiluak hauxe adierazi nahi du:

Ez zaigu zilegi iruditzen, Ainhoa Lendinez lankideak beharretik kanpo egindako jarduera ETBren aurkako tresna bezala erabili nahi izana komunikabide zein alderdi politiko zehatz batzuek.

Komunikabideetako profesionalek, beste edozein herritarrek bezala, eskubidea dugu gure lanetik kanpo nahi dugun adierazpen politiko edo sozialekin bat egiteko. Eskubide zibil eta politiko berberak ditugu.

Beste herritarrek bezala, ideia, sinesmen, balioak ditugu, guztiak errespetagarriak; eta beste edozein profesionalek bezala, horiek gure lanarekin ez nahasten ahalegindu behar dugu.

Kazetari baten independentzia bere lanean neurtu behar da, eta ez lanetik kanpo burutu dezakeen jardueretan.

Lehenago ere etxe honetako beste profesional batzuek erakutsi izan dute publikoki bere joera politiko edo soziala; izan dituzte betebeharrak erakunde, elkarte, mugimendu eta alderdietan; aurkeztu izan dituzte erakundeen, elkarteen, alderdi politikoen ekitaldiak. Jarduera horiek orain arte ez dute oihartzun mediatikorik izan, ez eta salaketa politikorik ere. Eta aurrerantzean ere ez genuke onartu beharko inolako esku hartzerik gure lanean.