Hemen zaude

Hasiera › Forums › LAB-EITB

ENEKOren heriotzaren harira

Az, 2020/09/23 - 12:15 — Nagusia

ENEKOren heriotzaren harira:

Idatzi honen bitartez eskerrak eman nahi dizkizuegu Eneko Sansinenea lankidearen heriotza dela eta guregana hurbildu zaretenoi. Lerro hauen bitartez bere laneko ibilbide osoan, baina batez ere EUSKO IRRATIAren hastapenetan, egin zuen ekarpena aitortu nahi diogu eta LAB-eko kide garen neurrian, baita sekzio sindikala martxan jartzeko egin zuen lana ere. Gauza jakina da Eneko-k Euskal Herriarekiko konpromiso irmoa izan zuela beti eta lanean ere bere bizkar gain hartu zituela aitortu ez zitzaizkion ardurak.

Irratian gertutik bizitzea tokatu zaizkigun gainerako heriotzen kasuan bezala, oraingoan ere  bizitza ez da justua izan. Hori ere esan nahi dugu.

LAB-EITB
Az, 2020/09/23 - 12:18 — Nagusia

Martxelo Otamendi: Non daude aurikularrak, Eneko?

Radio Euskadik Miramonen daukan estudioko aurikularrak oso zaharkituta zeudela, eta berriak ekartzeko esaten nizun behin eta berriro, eta zuk bakarrik Eneko zenekien bezala erantzuten zenidan: «Zuek gonbidatuok dauzkazuen atzapar horiekin hondatzen dituzue berriak jarri eta berehala». Halako batean, REko estudiora iritsi eta gerrara joateko moduko aurikular berri gogor batzuk topatu nituen, belarriko mina astebeterako uzten duten horietakoak. Zure mendeku isila, Eneko. Bakarrik «hurrengoan isilik egon hadi» zeukan oharra falta zitzaien porlanezko aurikular haiei.

Despeditzeko aukera eduki gabe joan da Eneko Sansinenea Euskadi Irratiko konexioetako teknikari nekaezina, urpekari aparta eta gure herriarekin konprometitua garairik gogorrenetan. Harrobi zuhurra kazetariontzat. Azkenean, ez zenigun argitu duela lau hamarkada zer egiten erakutsi zenion Martin McGuinnessi Gros auzoko ezkutuko pisu hartan.

Handik urte askotara egindako bisita politiko batean, zure garaiko bisita ez zen politikoa izan, McGuinnessek Donostiako badian arrantza egin nahi zuela esan zigun. Jonpa Albisuk, nork bestela?, lortu zion txalupa. Eman, Eneko, eskumuinak beste bi artista horiei, asmatuko duzu eta non topatu.

https://www.berria.eus/paperekoa/1904/021/003/2020-09-22/non-daude-aurik...

Az, 2020/09/23 - 12:20 — Nagusia

Harremanetarako: e i t b @ l a b . e u s

EITB taldeko eta kontratetako langileentzako posta zerrenda bat ere badugu, lehen eskuko informazioa banatzeko: batzorde bilerak, prentsa artikuluak, ekimenak, premiazko deialdiak... Harpidetzeko goian agertzen den helbidera mezu bat bidali, izena aipatuz eta harpidetu beharreko e-posta helbidea adierazita. Bestetik, ezkerreko menuaren goikaldean ageri den bezala RSS, twitter, eta facebook kontuak ere baditugula kontutan hartu.

LAB-EITBk webgune honetan agertzen diren albiste eta artikuluekin ez du zertan bat etorri beharrik, harik eta geuk sinatutakoak ez badira noski. Publikazio horiek interesgarriak edota eztabaidetareko baliagarriak izan daitezkeelakoan argitaratzen ditugu.