EITBko LAB DEIAk argitaratutako informazioaren aurrean

(Prentsan agertutako informazioak txertaturik)
DEIA egunkariak gaur argitaratutako informazioaren haritik, EITBk eskatutako txosten baten azterketa batean oinarrituta, zeinaren arabera EITB taldeko enpresetan 150 langileren postuak kolokan egoteaz gain Miramongo zentroa bera eta baita Radio Vitoria ere desagertzeko arriskuan jartzen dituen, LABek bere bat-bateko jarrera azaldu nahi du.

Lehenik, komunikabide batek argitaratutako informazioa izateaz, jakinaraztea dagoeneko langile batzordea eta zuzendaritzaren arteko bilera eskatu dela. Batetik delako txostenaren zehaztasunak eta zuzendaritzaren asmoaren berri lehen eskutik edukitzeko. Bestetik, dagoeneko piztuta zeuden zurrumurruak sendotzera datorrelako albistea. EITBko langileok ohituegi gaude zuzendaritza guztien «gauzatutako ekintzen» jokabideekin, langileokin kontatu gabe neurriak hartu izan baitira, emaitza okerrekin hain zuzen ere.

Bestetik, murrizketei ekiteko berriro «krisiaren komodina» erabiltzen da, arazoa eta larritasuna kamuflatzeko asmoz. Egia da EITBko langileon profesionaltasunaren eraginkortasuna ez dela handiena, eta ekoizpena asko handitu daitekeela, kudeaketa egoki batekin. Plantilla hazi bada ere, baita kate eta emanaldi ordu kopurua ere. Egia da ere alferrikako gastu handia dagoela, batez ere aurreko zuzendaritzak sortu zuen gestoreen sistemak eragindakoa, organigrama eta hauen sariak puztuz. Zuzendaritzak, sistema hori bertan behera utzi baino, langileon soldatak murriztu ditu. LAB prest dago honetaz guztiaz hitz egiteko, eta bere proposamena dagoeneko prestatzen hasia du. Ez dago langilerik soberan, ezta lantokirik ere.

Ondorioz, bilera formala eskatuta badago ere, zuzendaritzari dagoeneko iradokizuna luzatuko diogu, Jaurlaritzak dagoeneko akatsa errepikatu baitu: bertako errealitatea ezagutzen duen jendartea eta langileria baztertu eta Madrilera joan da aholku eske. Beraz, ustezko txosten horrek azaltzen diren norabideak apuntatzen baditu, lehenbailehen artxibatzeko gainontzeko alferrikako gastuekin batera. Denbora eta baliabideak alferrikaltzen ibili gabe, bertako langile eta jendartearen errealitateekin kontatzeko.

Kalitateko komunikabide publikoak behar eta nahi ditu herri honek, herriaren errealitatean errotuta.

Euskal Herrian, 2011ko irailaren 6an