Hemen zaude

LAB

Subscribe to LAB jarioa
 
Eguneratua: duela ordu 1 32 min

CAFeko enpresa batzordeak Jerusalem hiriko tranbia-linea berriko proiektuan ez parte hartzeko eskaera egin dio zuzendaritzari

Ar, 2019/10/08 - 14:32

CAFeko enpresa batzordeak, aho batez, Jerusalem hiriko tranbia-linea berria ez egiteko eskaera egin dio CAFeko zuzendaritzari. "Obra horretaz ez parte hartzeko oraindik garaiz gaudela uste dugu", adierazi dute.

Gasteizko Legebiltzarrean gaur aurkeztutako EPE ereduak ez du EPE prozesu garbirik bermatzen Osakidetzan

Ar, 2019/10/08 - 12:46
Murga kontseilariak eta Osakidetzako Zuzendariak gaur Gasteizko Legebiltzarrean Osakidetzan EPE eredu berria martxan ipini ahal izateko aurkeztu dituzten neurriek ez dute inondik inora bermatzen hurrengo prozesuak garbiak izango direnik, iruzurrik gabekoak izango direnik, ezta mediku espezialitateetan erroturik dagoen sistema ustela eta klientelarrarekin amaituko denik ere. Horregatik, gaurko agerraldiaren helburua egoera zuritzea baino ez da izan.

Osakidetzako Mahai Sektorialetik altxatu gara

Ar, 2019/10/08 - 12:16
Osakidetzaren gardentasun eta negoziatzeko borondate eza ikusirik, Osakidetzako gehiengo sindikalak, LAB, ELA eta CCOO sindikatuok, mahaitik altxatzea erabaki du, 2017ko enplegu eskaintza akordioaren Jarraipen Batzordearen (zeinetan SME, SATSE eta UGT sindikatuak dauden) mesedetan mahai sektoriala edukiz hustu eta mahai negoziatzaile paralelo bat sortu dela egiaztatu ondoren.

Elkarretaratzea egingo dugu bihar Iruñean, Barasoainen ostiralean hildako garraiolariaren lan heriotza salatzeko

Ar, 2019/10/08 - 09:45

Gehiengo sindikalak dituta, Nafarroako Gobernuko Obra Publiko, Garraio eta Komunikazio Sailaren aurrean elkartuko gara, 11:30ean. “Egun gutxitan Nafarroan hildako hirugarren langilea da, eta, horretaz gain, bi astetan bi langile hil dira errepidean. Administrazioek kontutan hartzeko datuak izan beharko lukete, baina beste alde batera begiratzea erabaki dute”, adierazi dugu ohar batean.

Oiongo eskola segregazioaren aurkako konpromisoa adierazten dugu

Al, 2019/10/07 - 18:55
Txalotzen dugu Oiongo hezkuntza komunitateak segregazioa gainditu eta herria euskalduntzeko adierazi duen gogoa eta kemena. Gure konpromisoa adierazten dugu egoera larri honen aurrean pausu zehatzak emateko sinergiak bilatuz. Ideia horri helduz, azken hilabeteetan landu dugun bi ikastetxeetako irakasleen eta Oiongo beste eragile batzuen oniritzia duen proposamen ireki bat partekatuko dugu Oiongo hezkuntza komunitate osoarekin, egunotan horien ekarpenak jasotzeko helburuarekin.

Osakidetzari eskatu diogu euskararen normalizazioa bultza dezala egunerokoan, zurikerietan ibili beharrean

Al, 2019/10/07 - 15:37

LABetik Osakidetzari eta, bereziki, Donostialdeko arduradunei eskatzen diegu ekintza puntualen bitartez zurikerietan ez ibiltzeko, eta Osakidetzan euskararen erabilera normalizatzeko egunero lan egin dezatela. Horrela lortuko da Osakidetzan euskara ere sano egotea.

Sedenako langileek eginen duten greba babesten dugu

Al, 2019/10/07 - 14:17
Urriaren 8, 9 eta 10erako Sedena enpresako kultura arloan lan egiten duten langileek greba antolatu dute euren lan baldintzak duinak izan daitezen.

Feminismoan trebatzen jarraitzeko hitzarmena berritu dugu Emagin-ekin

Al, 2019/10/07 - 10:49

Bi urteren ondoren, Eskola Feministaren eskaintza gizonezko delegatuei ere zabaltzea dugu helburu eta etorkizunean herrialdez herrialde antolatzea nahiko genuke.

Maderas de Llodio-ko enpresa batzordeak elkarretaratzera deitu du gaurko eta urriaren 14rako, hiru lankideren kaleratzea salatzeko

Al, 2019/10/07 - 09:30
Joan den irailaren 27an, Maderas de Llodio enpresak hiru lankide kaleratu zituen akusazio faltsu batekin; lan errendimenduaren beherakada leporatuta kaleratu zituen, hain zuzen ere. 

Historikoa da Bizkaiko Metalgintzako langileak egiten ari direna

Or, 2019/10/04 - 09:08

Egun handia da, Bizkaiko Metaleko hitzarmen berri eta duina lortzeko, aste honetako 5. greba eguna eta guztira hamargarrena. Lan zentroetan produkzioa gelditu da egunero inork imajina zezakeena baino jarraipen handiagoarekin (egunero %80 inguru); eta FVEM, grebaren arrakasta ezkutatzeko, bereak eta bi egitera derrigortu dugu; gezurrak esan, mehatxatu, errepresioa erabili eta bere menpeko politikariak publikora atera behar izan ditu.

Bizkaiko Metalgintzako langileen borrokak aurrera darrai

Og, 2019/10/03 - 13:37

Bizkaiko Metalgintzako langileek asteko laugarren greba eguna egin dute, eta, aurreko egunetan bezala, jarraipen zabala izan dute bai grebak eta bai antolatutako mobilizazioek ere. Goizean goizetik irten dira langileak kalera, eta, besteak beste, Barakaldoko Errontegi zubia moztu dute. Eguerdian, manifestazio jendetsuak egin dituzte Sestaon eta Basaurin, beti ere lan hitzarmen duin baten aldarriarekin.

Mobilizazioak gogortuko ditugu Gipuzkoako Grafikagintzan, eta greba egun gehiago iragarriko ditugu datozen egunetan

Og, 2019/10/03 - 13:17

LABek oso iritzi positiboa du hitzarmen duin baten defentsan Grafikagintzako langileek emandako erantzunaz. Sektore txikia izan arren, 8 greba egunek oso jarraipen handia izan dute eta mobilizazio ugari ere (elkarretaratzeak, kotxe karabanak, manifestazioak…) egin dira. Honek guztiak agerian uzten du langileek beren lan baldintzak hobetzeko duten adorea. Gaur bertan mobilizazio jendetsua egin dute Donostian, beste sektoreetako ordezkari sindikalen babesarekin.

Anbulantzien egoera tamalgarriaren ondorioz Gasteizen atzo izandako istripua salatu nahi dugu

Og, 2019/10/03 - 12:38
LAB sindikatutik, “Ute ambulancias Maiz HTG Euskadi” enpresako langile batek atzo arratsaldean Gasteizen izan zuen lan istripua salatu nahi dugu. Gidatzen ari zuen anbulantziaren gidagailua apurtu eta aparkatuta zeuden bi kotxeren aurka talka egin zuen.

Azken lan heriotza salatzeko Nafarroako Parlamentuaren aurrean biharko aurreikusitako elkarretaratzera deitu ditugu langileak

Og, 2019/10/03 - 11:14

LABetik lanean eta borrokan jarraituko dugu langileon eskubide, segurtasun eta osasunaren alde. Horregatik, azken istripua salatzeko dei egiten diogu langile klaseari, ostiralean, hilak 4, ELA, LAB, ESK, STEILAS, EHNE, HIRU, CGT eragile sindikalok deituta, 11:30ean, Nafarroako Parlamentuaren aurrean deitu dugun elkarretaratzera.

TRIMAN MINERALS enpresak izan duen material lapurreta salatu nahi dugu; guztira 1.368.000 euro izan dira lapurtuak

Og, 2019/10/03 - 10:33

Triman Minerals hartzekodunen konkurtsoan dago 2018ko ekainaren 5etik, langileak kaleratuak daude 2019ko martxoaren 11tik. Guztira 45 langile dira kaltetuak eta horietatik 32 Nafarroan. Guztira, langileak zor zaien soldataren zati bat FOGASAtik kobratu badute ere, langile bakoitzari hamar nomina inguru zor zaizkie bataz beste (milioi bat euro gutxi gora behera).

Gozo I. Nazioarteko Jardunaldietan gaude, eskola elikadura praktika onei buruz eztabaidatzeko eta hausnartzeko

Og, 2019/10/03 - 09:46

GOZO I. Nazioarteko Jardunaldiak egiten ari dira Bilbon, munduko hainbat lekutan martxan dauden eskola elikadura praktika onei buruz eztabaidatu eta hausnartzeko espazioa. Bertan dago LABeko ordezkaritza bat, entzule eta parte hartzaile gisa, sindikatuaren eredu eraikitzailea konpartitzeko. Hain zuzen ere, LABeko sukaldari eta hezitzaileak gerturatu dira bihar arte aukeran izango diren jardunaldietara, eskola elikadura osasuntsuagoa eta jasangarriagoa sustatzen duten politika publikoak, eragile eraldatzaileak eta esperientzia pedagogikoak ezagutzeko. Eredua, elikadura burujabetza eta lan baldintzak hizpide izango ditugu, besteak beste.

Udaltzaingoaren erabilera politikorik ez dugula onartuko adierazi dugu Bilboko udaletxearen aurrean

Og, 2019/10/03 - 08:58

Aspalditik salatzen aritu gara Bilboko alkatearen eta segurtasuneko zinegotziaren nahiz zuzendaritzaren noraeza, Udaltzaingoaren garapenari dagokionez. Udal osoko bilkuran onartutako segurtasunaren aldeko itunean gertuko poliziaren eredua lehenetsi zen, herritarren eskubideak bermatze aldera. Ez zen inon aipatzen istiluen kontrako unitate bat sortzea, ezta Udaltzaingoa “ordena publikoaren” arloko jarduketetan erabiltzea ere. Horrela bada, herritarrengandik gertuko polizia eredu batetik, Udaltzaingoa helburu politikoekin erabiltzera pasatu gara, istiluen kontrako unitate bat sortuta.

Erkorekak familia eta lana uztartzeko kontziliazio neurrietan “urratsak” ematen dituztela esatea herri honi iruzur egitea da

Og, 2019/10/03 - 08:32
Eusko Jaurlaritzak Haur Hezkuntzako lehen zikloarekiko duen jarrera deitoratu nahi dugu publikoki. Doakotasunean urratsak ez emateaz gain, zaintza zerbitzu bezala gaituelako. LABetik argi dugu zikloaren aitortzan eta herritar guztien aukera berdintasunean oinarritutako hezkuntza sistema propioa eraiki nahi dugula. Bide horretan lanean jarraituko dugu, euskal eskola publiko komunitarioa eraikitzen.

ADEGIren hipokrisia salatzen dugu eta Gipuzkoako Grafikagintzako langileen borroka eredugarritzat jotzen dugu

Az, 2019/10/02 - 13:33

Gaur, urriak 2, Gipuzkoako grafikagintzako langileek zazpigarren greba eguna egin dute. Gaurkoan ere greba deialdia arrakastatsua izan da, grebaren jarraipena aurreko deialdien %70an mantentzen baita. Greba egunak aurrera doazen arren, langileen gehiengoak grebarekin bat egiten jarraitzen du. Kontuan izanda tailer txikietaz osatutako sektore batetaz ari garela, langileak ematen ari diren erantzun eredugarria txapela kentzeko modukoa da. LABek zoriondu nahi ditu langile guztiak.

Bizkaiko Metalgintza duintasunaren aldeko borroka argia da; prekarietateari gerra hau irabaztera goaz!

Az, 2019/10/02 - 13:01

Beste egun batez ere, grebaren jarraipena eta grebalarien aktibazioa txalotu behar dugu; Bizkaiko Metalgintzan gertatzen ari dena ikaragarria da. Metalgintzako langileek lan baldintza duinen aldeko borrokan irmo jarraitzen dute; gainera, gero eta elkartasun eta babes keinu gehiago jasotzen ari gara. Argi dago, sektoreko borroka batetik herri borroka batera pasa garela. Beraz, gure esker ona pentsiodun, Eragin, Harro plataforma, ikasle eta gazte mugimenduei, mugimendu feministari eta gainerako herritar guztiei. Denon artean Metaleko Hitzarmen duina lortuko dugu!

Orriak