Hemen zaude

LAB

Subscribe to LAB jarioa
 
Eguneratua: duela 2 ordu 2 min

Osakidetza auziko epaileak irailaren hasierarako deklaratzera deitu ditu sindikatuak proposatutako lekukoak

duela 8 ordu 27 min

Osakidetzako Lan Eskaintza Publikoko filtrazioen kasua daraman epaileak deklaratzera deitu ditu, irailaren 1etik aurrera, LABek proposatutako ia lekuko guztiak, auzian herri-akusazio gisa aurkeztuta dagoena. Guztira, irailaren 1etik 7ra bitartean, LABek lekuko gisa proposatutako 16 pertsonak deklaratuko dute, agendak gainerako lekukoei deklaratzeko aukera eman arte.

Premiazkoa da negoziazio-mekanismoak abian jartzea Nafarroan, ikastetxeetara segurtasunez eta bermeekin itzultzeko

Ar, 2020/08/11 - 19:20

Nafarroako Hezkuntzako sindikatuok berriro salatu dugu irailerako eskolara bueltatzeko dagoen plana. Ez du segurtasuna bermatzen eta ez du egoera baliatzen hezkuntzan beharrezko ditugun sakoneko aldaketak indarrean jartzeko.

Plantoei ekin diete Arabako kirol jardueretako langileek

Al, 2020/08/10 - 14:02

Gasteizko kirol jardueretako langileek greba mugagabe partzialei ekin diete, Udalak ezarritako murrizketen aurka eta lanpostuen defentsan. Hain zuzen ere, COVID-19ak gaur egun sortu duen egoera dela eta, Gasteizko Udalak osasunaren aldetik askoz haratago doazen murrizketa batzuk egitea proposatzen ari da, eta horren aurka hasi dira mobilizatzen.

Agoitzeko Siemens Gamesako langileenganako gure konpromiso osoa berretsi dugu, enpresaren txantaia argi eta iraunkorraren aurrean

La, 2020/08/08 - 15:53

Abuztuaren 7an, Agoitzeko Siemens Gamesako negoziazio epea bukatu zen. Deslokalizazioa eta ehunka lanpostu suntsitzea beste helbururik ez duen enpresa talde horrek ez du negoziatzeko inolako borondaterik izan; eta irits zitekeen bukaerarik txarrena daukagu orain. Gamesak egin duen bakarra kaleratzeei prezioa jartzea izan da.

Gorlizko Etengabeko Arreta Gunea zabalik mantentzeko beste urrats bat eman dugu, barne mugikortasunerako destino bezala agertzea lortu dugulako

Or, 2020/08/07 - 12:21

Uribe ESIko zuzendaritzak deialdia aldatu egin du, abuztuaren 5ean, 1. eranskinean, eta Gorlizko EAGa aukeran dauden destinoen artean sartuz eta guri arrazoia emanez. Berriro ere, Osakidetza zerbitzuak ixten saiatzen ari da atzeko atetik. Argi dago erne ibili behar dugula, eta herritarrentzat funtsezkoak diren zerbitzuak defendatzen jarraitu behar dugula, langileentzako baldintza duinetan.

Langileen ordezkaritza sindikalarekin adostu gabe beste neurri bat hartu du Osasunbideak

Or, 2020/08/07 - 08:39

Osasunbideak urte bukaera arte luzatuko ditu Covid dela eta egindako errefortzu kontratua. Langileen ordezkaritza sindikalarekin adostu gabe hartutako enegarren neurria da. Eta horrek nahi ez diren egoera ugari dakartza berekin: batzuetan, batere argi ez dauden egoerak sortzen direlako, eta beste batzuetan, berdintasun eza eragiten delako, baita bidegabekeriak ere.

Euskara oraindik ere ez da kontutan hartzen Correoseko langileak hautatzeko prozesuetan

Og, 2020/08/06 - 14:46
Berriro ere salatu behar dugu Correosek ez duela sentsibilitaterik estatuko nazionalitate desberdinetako hizkuntzekiko. Hautapen-prozesuetan, dela behin-behineko langileen kasuan (lan-poltsak), dela posta-zerbitzuan ematen diren langile finkoen kasuan, ez da kontuan hartzen estatuko hizkuntza koofizialen ezagutza, gure kasuan, euskara. LABek behin eta berriz salatu du egoera hori, deialdien oinarriei alegazioak eginez.

Zergatik ez da kontratatzen mantentze-lanetako laguntzailerik Iruñeko El Vergel helduen egoitzan, kontratazio zerrenda bat izanda?

Og, 2020/08/06 - 11:15

Iruñeko El Vergel helduen egoitzan urteak daramatzagu mantentze-lanetako laguntzaile gutxi izaten, eta orain, lankide batek erretiroa hartu berri duela-eta, plantilla minimoen azpitik geratu da. Nolanahi ere, Funtzio Publikoari esker jakin berri dugu, hainbat urtez zentroaren beharrei erantzuteko moduko kontratazio-zerrenda bat eskatu ondoren, badagoela halako bat, duela bost hilabete baino gehiago eratua, gainera. Hala bada, zergatik jarraitzen dute langile beharrari erantzun gabe?

Suhiltzaileen zuzendaritzarekin egiazko negoziazio baten alde egingo dugu Nafarroan

Az, 2020/08/05 - 14:41
Suhiltzaileen Zerbitzuan ezarri ditugun presio-neurriak fruituak ematen hasi dira. Hala, Barneko kontseilariak datozen urteetan 120 lanpostu berri ateratzeko konpromisoa hartzea lortu dugu. Ildo horretan, ibilgailu berriak erostea eta langileen kudeaketa hobetzea ere langileen presioari esker lortutako lorpentzat hartu behar dira.

Errepide bat moztu dute Iruñean, Agoitzeko Siemens Gamesaren itxieraren aurka

Ar, 2020/08/04 - 11:06

Karlos III.a eta Nafarroako Gorteak kaleak elkartzen diren tokian egin dute protesta langileek, Nafarroako Gobernuaren egoitzaren parean. Agoitzeko lantegiaren itxierak 239 familia utziko ditu kalean, errentagarria eta bideragarria izan arren.

Gasteizko kirol jardueretako langileek planto egitea erabaki dute

Ar, 2020/08/04 - 09:33

COVID-19ak gaur egun sortu duen egoera dela eta, Gasteizko Udalak osasunaren aldetik askoz haratago doazen murrizketa batzuk egitea proposatzen ari da. Duela bi aste, hauteskunde kanpainan, Udalarekin bildu ziren eta ikusi zuten proposatutako murrizketek nabarmen gaindituko zutela erakundeak berak aurretik langileoi bermatutakoa. Langileek agerraldia egin dute gaur, greba mugagabe partzialak iragartzeko. Abuztuaren 10etik aurrera izango dira, eta egunean lau orduko lanuzteak egingo dituzte.

Jaurlaritzari eta Nafarroako Gobernuari jangela eta eskola-garraioko langileen enpleguari eta lan-baldintzei eusteko bermea eskatzen diegu

Al, 2020/08/03 - 09:17

Hezkuntza Sailek, alde bakarrez, ikasturtearen hasiera planifikatu dute, emandako agindu eta protokoloetan ikastetxe guztientzako jarraibide orokor batzuk ezarriz, eta ez du bildu nahi izan LAB eta ELArekin, edo jantoki eta eskola-garraioko zerbitzuak izango duen egoerari edo eraginari buruz informazioa eman, enpleguari eusteko bermerik edo zerbitzu horiek ematen dituzten langileentzako prebentzio-neurri espezifikorik gabe, eta erabaki eta erantzukizun asko ikastetxeetako zuzendaritzen eskuetan utziz.

Propaganda akordioa kritikatu eta enplegu suntsiketa gelditzeko eta zerbitzu publikoak indartzeko akordio sozialak eskatu ditugu

Og, 2020/07/30 - 13:04
Ekainean lortutako sasi akordioaren ondoren, CENek, UGTk, CCOOk eta Nafarroako Gobernuak propaganda akordio bat iragarri dute, LABetik Eliteen Elkarrizketa deitzen duguna proiektatu eta sendotu besterik nahi ez duena. Nafarroako enpresaburuek aitortzen dutenez, patronalaren neurriko akordioak lortzeko baino ez du balio.

Cementos Rezolako ABEEEaren aurka mobilizatzen jarraitzen dugu

Og, 2020/07/30 - 09:37

Añorgako Cementos Rezolako langileek berriro protesta egin dute gaur enpresaren aurrean, ABEEEaren aplikazioa salatzeko. Enpresa erabat justifikatu gabeko ABEEE bat aplikatzen ari da aldebakartasunez. Lan karga dago guztientzat, eta enpresak azpikontratetako langileengana jo behar du jarduerari dagozkion lanak egin ahal izateko.

Covid-19aren krisian zehar Osasunbidean erabaki desegokiak hartu dira

Az, 2020/07/29 - 11:39

Covid-19aren krisiaren ondorioz Osasunbidean hartutako antolaketa-erabakiek arazo ugari sortu dituzte herritarrei arreta emateko orduan, eta zalantza handiak eragin dituzte langileengan; izan ere, covid-19aren estrategiaren aitzakiaz baliatuz, erabaki gehiegi hartzen ari dira langileekin adostu eta ondorioak egiaztatu gabe.

Ezkerraldea-Enkarterri ESIko lehen mailako arreta berehala indartzea eskatzen dugu

Az, 2020/07/29 - 10:19

Ezkerraldea-Enkarterri-Gurutzeta ESIko lehen mailako arreta eta Osakidetzakoa desberdinak eta berdinak dira. Desberdina, bere berezitasunak dituelako, eta berdina, bere arazoak lehen mailako arreta osoan komunak direlako. Hau da, ESI honetan salatzen dugun egoera Osakidetza osoan errepikatzen da.

Pandemia eta iraganeko akatsak koktel hilgarria dira langile-klasearentzat: enpleguari emandako kolpe gogorraren ondoren EAJk soldatak murriztea proposatu du

Ar, 2020/07/28 - 14:14
Osasun krisiak, ekonomia gelditzeak eta muturreko ziurgabetasunak bortizki jo dute jendartea eta ehun produktiboa, aurrekaririk gabeko enplegu suntsiketa eraginez eta ondorioz, pobrezia zabaltzea.

Ez dugu onartzen Aernnovan kaleratzerik egiterik

Ar, 2020/07/28 - 11:28
Ez da kasualitatea azken egunotan jakin izana komunikabideen eskutik ITP, Tubacex, Siemens-Gamesa, eta orain Aernnova enpresek enplegua suntsitzeko hartu duten erabakia, eta aldi berean Tapia kontseilariak adierazpenak egitea soldatak jaistea proposatuz. Arantxa Tapiak berriro ere Confebask-en txotxongilo papera hartu du, eta ukitu instituzionala ematen dio patronalaren intentzioei: osasun krisi hau langileon kontura gainditzea. Badirudi honek denak erantzuten diola beldurra eta ezjakintasuna zabaltzea helburu duen estrategiari, non murrizketa eta eskubideen galera justifikatuak egongo diren.

Covid-19ak kutsatutako osasun zentro eta zentro sozio-sanitarioetako langileei lan-istripua aitortzea eskatzen dugu

Ar, 2020/07/28 - 09:51
Eskatzen dugu berehala lan-istripua aitor diezaietela, ondorio guztietarako, osasun-zentroetan eta zentro soziosanitarioetan lan egiten duten covid-19az kutsatutako langile guztiei, bai eta haien osasuna bermatzeko behar diren neurri guztiak ere.

Errege-erreginen presentzia arbuiatu dugu Nafarroan

Al, 2020/07/27 - 14:25

Espainiako errege-erreginak Zizur Txikian izan dira gaur, Aspaceko Ramon y Cajal eguneko zentroan. Testuinguru honetan, kontzentrazioa egin dugu eta erabateko adierazpena adierazi diegu eta nabarmendu dugu Nafarroan ez direla ondo hartzen. Monarkia erabat arbuiatzen dugu, erakunde arkaikoa, antidemokratikoa, matxita eta ustela delako.

Orriak