Hemen zaude

LAB

Subscribe to LAB jarioa
 
Eguneratua: duela ordu 1 29 min

Orozkoko Galletas Artiach enpresak kaleratutako sei emakumeei babesa agertu diegu, biharko epaiketaren bezperan

Al, 2019/10/21 - 16:34

Orozkoko Galletas Artiach enpresako langileak gaur mobilizatu dira, LABek deituta, behin behinekotasunaren aurka eta kaleratutako emakume langileak berronartzearen alde. Hain zuzen ere, enpresak sei emakume kaleratu ditu, kontratu finkorik ez egiteko. Kaleratze hauen aurkako salaketa dela eta, epaiketa izango da bihar.

Anton Fernandez eta Josu Murueta gogoan izango dituzte igandean, Erandioko gas kutsaduraren aurkako gatazkaren 50. urtemugan

Al, 2019/10/21 - 14:57

Erandioko gas kutsaduraren aurkako gatazkatik 50 urte bete dira. Erandioko Oroimena plataformak omenaldia antolatuko du urriaren 27an, igandea, Astrabuduan, polizia frankistak orduko protestetan hildako Anton Fernandez eta Josu Murueta oroitzeko. Omenaldi horren xehetasunen berri eman dute gaur.

Epaiketa irabazi dugu: Tecman-ek greba eskubidea urratu zuen

Al, 2019/10/21 - 14:48

Pasa den urriaren 14an, Industria sektorean indarrean zegoen lan gatazka luzeena konpondu zen, Tecman enpresan LABek lortutako akordio baten bidez. Horretarako, 105 greba egun beharrezkoak izan ziren, baina greba deialdiak hainbat oztopo bidegabe izan zituen. Izan ere, LABek Osakidetzaren eta Mendaroko ospitalean mantenimendu lana egiten duen Tecman SVA SL enpresaren kontra salaketa jarri zuen, LABen iritziz greba eskubidea urratzen ari zirelako. Gaur ezagutu dugun epaiak LABi arrazoia ematen dio, eta Tecman enpresa zigortu du, greba eskubidea urratu eta “jarrera antisindikala” izateagatik.

Palestinako enbaxadak eskerrak eman dizkio CAFeko enpresa batzordeari

Al, 2019/10/21 - 13:21

Palestinako Espianiako enbaxadak eskerrak eman dizkio CAFeko enpresa batzordeari, gutun baten bitartez, “okupazio mingarria” pairatzen dutenen alde jartzeagatik. Enpresa batzordeak egindako eskaera eredu izateko itxaropena azaltzen du Musa Amer Odeh enbaxadoreak gutunean, eta askatasuna eta herrien autodeterminazio eskubidearen aldeko aldarria egiten du. CAFeko enpresa batzordeak Jerusalemgo tranbia-linea berria eraikitzeko lizitazio-prozesuan ez parte hartzeko eskatu zion zuzendaritzari, eta, behin lehiaketa irabazita, lanak ez egiteko.

Hezkuntza laiko eta hezkidetzailerantz urrats sendoak emateko beharra aldarrikatu dugu Gasteizko Legebiltzarrean

Al, 2019/10/21 - 10:44

Elkarretaratzea egin dugu Gasteizko Legebiltzarraren aurrean, "Hezkuntza laiko eta hezkidetzailea iruten. Erlijioff" leloarekin. Hain zuzen ere, LABek Euskal Eskola Publiko Komunitarioaren bidean hezkuntza laiko eta hezkidetzailerantz urrats sendoak emateko beharra aldarrikatu du Legebiltzarraren kanpoan eta barruan; elkarretaratzeaz gain, hezkuntza batzordean hitza hartzea baitugu aurreikusia. Gure mezua garbia da: erlijioa hezkuntzatik kanpora; hezkidetzara bidean Nafarroako Skolae eredu hartuta Euskal Herri osorako hezkuntza feminista eta hezkidetzailea orain.

Espainiako Estatuaren izaera antidemokratikoa salatu dugu kale eta lantokietan, Kataluniako herriari elkartasuna adierazita

Or, 2019/10/18 - 08:45

Kataluniako procesaren epaia salatu eta elkartasuna adierazteko, 200 mobilizaziotik gora egin ditugu Hego Euskal Herriko hiri eta herrietan (ikus galeria), lantokiz lantoki, euskal gehiengo sindikalak deituta. Langileen erantzuna izugarria izan da, Katalunian egiten ari diren greba gogoan.

"Egoeraren larritasunak interpelatu egiten gaitu demokrazia, justizia eta askatasunak maite ditugun guztiok, gure aukera ideologikoetatik harago"

Og, 2019/10/17 - 12:56

Hainbat eragiletako hainbat ordezkarik agerraldia egin dute Donostian, Kursaalen, Kataluniari elkartasuna adierazteko. LABeko idazkari nagusi Garbiñe Aranburu bertan izan da, eta elkartasun eta konponbide politikoaren aldeko manifestua babestu du, beste ordezkariek bezala. Hala, Gure Esku herri dinamikak larunbaterako Donostian (Antigua, 17:30) antolatutako manifestaziora atxikitu dira guztiak.

Dei egiten dugu Kontseiluaren elkarretaratzean parte hartzera, euskararen aurkako azken erasoa salatzeko

Og, 2019/10/17 - 11:25

Agerraldia urriaren 19an, larunbata, eginen da, 12:00etan, Nafarroako Jauregiaren aitzinean, Karlos III etorbidean, "Justizia, Berdintasuna, Kohesioa euskaraz bizi nahi dugulako" goiburupean.

"Emakumeok ez ditugu kaleratzeko mehatxuak onartuko gure eskubideak aldarrikatzen ditugun bakoitzean"

Og, 2019/10/17 - 10:03

Duela hainbat hilabete LAB sindikatutik salatu genuen Gasteizko Hotel Palacio de Elorriagan emakume bat kaleratuta izan zela haurdun zegoela komunikatu zuenean. Epaitegiaren ebazpena emakumearen aldekoa izan zen eta bere lanpostura bueltatzeko eskubidea onartu behar izan zuten, baina emakume honen kontrako zigor kanpaina ez da amaitu eta LAB sindikatutik ez dugu inolaz ere onartuko emakumeon kontrako diskriminaziorik. Hala, elkarretaratze bat egin dugu gaur hau guztia salatzeko, Gasteizen, Lan Delegaritzaren aurrean.

Lan heriotzak Nafarroako Parlamentuaren aurrean salatu ditugu

Og, 2019/10/17 - 09:33

Azken lan heriotza salatzeko Nafarroako Parlamentuaren aurrean bildu gara, lan istripuen atzean prekarietatea dagoela nabarmentzeko. Eraikuntzako langile bat hil zen asteartean Antsoainen, zazpi metroko altuera batetik erorita. Antsoinen atzo arratsaldean ere mobilizatu ziren.

Orozkoko Galletas Artiach enpresan mobilizatzera deitu dugu urriaren 21erako, behin behinekotasunaren aurka eta kaleratutako emakume langileak berronartzearen alde

Og, 2019/10/17 - 09:08

LABek jarritako salaketa baten ondorioz, ekainaren 4an, Lan ikuskaritzak Orozkoko Galletas Artiacheko behin behineko 7 langileren kontratuak finko izatera pasa behar zutela ebatzi zuen, besteak beste. Langile hauek urteak eman dituzte lanean Galletas Artiachen (6 eta 17 urte artean), baten batek 787 kontratu ezberdinekin. Bada, langile horietatik sei, emakumeak guztiak, kaleratu ditu enpresak, kontratu finkorik ez egiteko.

Osakidetzak bere baitan jarraitzen du filtrazioak ukatzeko jarreran, eta salatutako eta instrukzio penalpean dauden mediku kategorien EPE prozesuarekin aurrera darrai

Og, 2019/10/17 - 08:53

Etorkizunean Osakidetzak emango dituen pausuei begirik ez kentzeko deialdia luzatzen diogu euskal jendarteari, ohartaraziz Osakidetzako enplegurako sarbidean oinarrizkoenak diren printzipio demokratikoak zapuzten saiatzen ari direla, hots, berdintasuna, meritua eta gaitasuna. Gure kezkaren berri eman dugu gaur, Bilbon egindako agerraldi batean.

CAFeko langileak lan istripuen kontra mobilizatu dira Beasain eta Irunen

Az, 2019/10/16 - 14:56

Beasain eta Irungo CAF-eko langileek ordubeteko lanuztea egin dute, "In itinere" gertatutako lan istripuak salatu eta atzo hildako lankidearen gertukoei eta sendiari elkartasuna adierazteko.

Elizondoko zahar etxearen egoerak berriz ere erakutsi du prekaritatea dela zerbitzu publikoen pribatizazioaren ondorio bakarra

Az, 2019/10/16 - 12:17
Duela hilabete batzuk salatu genuen arras larria izan zela zahar etxearen pribatizazioarekin akitzeko, hau da, IDEAk -edo bertze edozein enpresa pribatuk- zahar etxea kudeatzeari uzteko egon zen aukera ukatu izana. Zahar etxearen patronatua osatzen zuten bederatzi kideetatik zazpik eman zuten botoa eta EH Bilduko udaleko ordezkaritza izan zen publifikazioaren alde bozkatu zuen bakarra. Horrekin garbi gelditzen da ez langileek eta ezta erabiltzaileok ere ez dugula inongo babesik izanen patronatuaren aldetik.

Euskal gehiengo sindikaletik elkarretaratzeak deitu ditugu ostiralerako lantoki guztietan, Kataluniarekin bat, botoa ematea ez delako delitu

Az, 2019/10/16 - 10:35

LABeko idazkari nagusi Garbiñe Aranburuk hitza hartu du Bilboko Arriaga plazan egindako agerraldian, eta mobilizatzea premiazkoa dela adierazi du. Horretan ari dira Katalunian eta horretan ari gara Euskal Herrian. Ostiralean, euskal gehiengo sindikalak deituta, elkarretaratzeak egingo ditugu Euskal Herriko lantokietan. Larunbatean, berriz, bat egingo dugu Gure Esku herri ekimenak Donostian deitutako manifestazioarekin (Antigua, 17:30).

Lan eta bizi duinaren alde egin dugu arraun Donostian, prekarizazioaren olatura igota dagoen patronalaren aurrean

Az, 2019/10/16 - 09:00

Maitemintzen duten enpresak, lanerako erakargarriak omen diren Gipuzkoako enpresak aurkezteko NewCulturers Gunea antolatu du Adegik Tabakaleran, eta bertara deitu ditu hainbat eta hainbat gazte. Marketing kanpaina borobila da.Enpresa eredu berri batez mintzo zaigu Adegi, ametsik gozoenetan ere irudikatu ezingo genituzkeen enpresak: gimnasio eta guzti, langileon denbora librea errespetatzen dutenak... idilikoak, idealak. Errealitatetik, baina, urrun dago eredu horretatik, ADEGIk egun eskaintzen dizkigun enpresa eta lan harreman eredutik oso urrun. Hain zuzen ere, horixe salatu dugu LAB sindikatuak eta Ernai gazte erakundeak, Tabakaleraren aurrean egindako parodia eta mobilizazioarekin.

CAFeko enpresa batzordeak lanuztera deitu du biharko, gaur hildako lankidea gogoan

Ar, 2019/10/15 - 17:18
Beasaingo CAFeko enpresa batzordeak langile guztiei bere atsekabea helarazi die Endika Arroyo Jauregi lankidearen heriotzarengatik, trafiko istripuan hil baita gaur goizean, errodajeetako bere lanpostuan gauez lan egin ondoren etxera bueltan zihoala. " In itinere" hildako langile honekin, gutxienez, 38 dira jada Euskal Herrian aurten zendutako langileak. Gaur bertan, Eraikuntzako langile bat hil da Nafarroan.

Hilabeteko grebara deitu dugu EAEko Gizarte Ekimeneko Ikastetxeetan

Ar, 2019/10/15 - 11:46

LAB, ELA, STEILAS eta CCOO sindikatuok, langileen eskaerek erantzunik izan ezean, jarraikotasuna izan dezakeen hilabeteko grebara deitzen dugu datorren azaroak 7tik abenduak 5era bitarte. Patronal zein hezkuntza sailaren arduragabekeria eta inmobilismoak greba dinamika indartu beste biderik ez digu utzi, azken greba egunetik 5 hilabete igaro diren arren, ez patronalaren ez eta hezkuntza sailaren aldetik ere inolako mugimendurik ez baita egon.

Eraikuntza sektoreko beste langile bat hil egin da Nafarroan, segurtasun faltaren ondorioz berriro

Ar, 2019/10/15 - 10:51

Beste lan heriotza baten berri izan dugu gaur. Hain zuzen ere, Antsoaingo industria eraikin bateko teilatuan egokitze lanak egiten ari zen 46 urteko langile bat zendu egin da, atzo izandako istripuaren ondorioz izandako zauriek eraginda, zazpi metroko altuera batetik erori eta gero. Aurten, gutxienez, 37 langile hil egin dira lanean Euskal Herrian; horietatik 13 Nafarroan.

Euskararen dekretuaren kontrako epaiak ondorio larriak izanen ditu Osasunbideko plantillan

Al, 2019/10/14 - 16:49

UGT, Afapna, SMN eta SATSE sindikatuek euskararen dekretuaren aurka jarritako errekurtsoaren aldeko epaiak ondorio larriak ekarriko dizkio Osasunbideko plantillari, batez ere erizaintzako langileei.

Orriak