Hemen zaude

Hasiera › Forums › LAB-EITB

ETBko LABek espainiako erregeak mezua ETBtik ematearen kontra deitutako kontzentrazioarekin bat egiten du

Ig, 2012/12/23 - 09:23 — Nagusia
Euskal Herriaren eta langileon eskubideen ukazioaren ikurra den Espainiako erregeak urteroko gabonetako mezua ETBk aurten ere emitituko duela erabaki du zuzendaritzak.

Hori dela eta, EHBILDUk kontzentrazioa deitu du
 

bihar, abenduaren 24 astelehenean, goizeko 11:00tan Bilboko EITBren egoitzaren aurrean.
Deialdia azken momentuan erabaki behar izanak bere zabalpena ematea ere eragotzi egiten digula kontutan edukita, ahal duzuen langile guztioi hitzorduarekin bat egin dezazuen gonbidatzen zaitugu.
 

Inposiziorik ez, euskal langileok burujabetza!
LAB-EITB
Etiketa: 
#KontrolIdeologikoa
Ig, 2012/12/23 - 09:25 — Nagusia

Koalizioak EAJri leporatu dio "Eusko Legebiltzarra mutu utz izana" eta esan du jeltzaleek ganberako Erregelamendua erabili dutela mezuaren emisioa bertan behera ez uzteko. "Borondate kontua da. Oztopo normatiboak ezin dira aitzakia izan ganberak mezuaren aurkako ebazpena ez egiteko", salatu du Mintegik.

 

EH Bilduren Legebiltzarreko bozeramaile Laura Mintegik prentsaurrekoa eman du gaur Bilbon, koalizioaren izenean. EH Bilduk elkarretaratzea deitu du abenduaren 24rako 11:00etan, Bilboko EiTBren egoitza aurrean, Espainiako erregearen mezua telebista publikoan emititzearen aurka. Mintegiren hitzetan, mezua ematea "lekuz kanpo dago, anakronikoa da eta ez dator bat gaur egungo gizarteak nahi duenarekin. Gainera, ez dio elkarbizitzari mesede egiten".

Mintegik gai honen harira koalizioak Legebiltzarrean eman dituen urratsak azaldu ditu, EiTBko zuzendari nagusi Alberto Suriori, erregearen mezua bertan behera uzteko eskatzeko. "Bide guztiak jorratu ditugu, bai Legebiltzarrean eta baita Legebiltzarretik kanpo", esan du. EAJri leporatu dio "oztopoak" jarri izana EAEko ordezkaritza politikoa dagoen ganberan. Bestalde, EH Bilduk gutuna ere idatzi zion Suriori, bere iritzia jakinarazteko. "Jakin badakigu EAJk ere idatzi diola gutuna. Beraz, zuzendariak bere mahai gainean ditu biak, EAJrena eta gurea, eta bi indarren artean 48 legebiltzarkide ordezkatzen ditugu, Legebiltzarrean 75 eserleku daudelarik", gaineratu du.

EAJk jarritako oztopo parlamentarioen harira esan du "erregelamenduek eta zailtasun administratiboek" ezin dezaketela "ahots gabe utzi Legebiltzarra". Horregatik salatu du, "EAJk Legebiltzarra mutu utzi duela". "Mezua ez emititzea ez da arazo juridiko edo legal bat; erabaki politikoa da, argi eta garbi. EAJk borondate politikoa izan balu, erregea ez litzateke ETBn izango", leporatu dio.

Mintegik bere interbentzioa bukatu du EiTBko zuzendaritzari gizartearekiko errespetu gehiago izatea eskatuz. EAJri ere zuzendu zaio: "ausardia gehiago eskatzen diogu herritarren iritzia gauzatzeko eta herri honek gehiengoz hartzen dituen erabakiak betetzeko".

http://ehbildu.net/eu/albisteak/1387-eh-bilduk-elkarretaratzea-deitu-du-abenduaren-24rako-erregearen-mezua-etbn-ere-emititzearen-aurka-protestatzeko

 

Ig, 2012/12/23 - 09:26 — Nagusia

EH Bildu ha convocado una concentración el 24 contra la emisión del mensaje del rey de España en ETB

 
La coalición acusa al PNV de "dejar sin voz al Parlamento Vasco" y de haberse amparado en el Reglamento de la cámara para evitar suspender el mensaje del Borbón. "Es cuestión de voluntad política. Los impedimentos normativos no pueden evitar que el Parlamento se pronuncie sobre esta cuestión", ha denunciado Laura Mintegi.
 
La portavoz de EH Bildu en el Parlamento Vasco, Laura Mintegi, ha convocado esta mañana, en nombre de la coalición, a una concentración para el 24, a las 11:00, contra la emisión del mensaje del rey de España en ETB. En una rueda de prensa realizada en Bilbao, Mintegi ha calificado la emisión como "un acto anacrónico, que no corresponde a la sociedad actual, que no conecta con la ciudadanía y que no aporta nada a la convivencia".
 
Mintegi ha explicado el procedimiento que ha seguido EH Bildu para instar al director de EiTB, Alberto Surio, a suspender la emisión del mensaje. "Hemos explorado todas las vías, tanto parlamentarias como extraparlamentarias", ha explicado, acusando a continuación al PNV de "poner trabajas en este proceso dentro de la institución vasca". Por otra parte, la portavoz de la coalición también escribió una carta al director de EiTB, cosa que también hizo el PNV. "Surio tiene dos cartas sobre su mesa, con el sentir de 48 de los 75 parlamentarios de la cámara; pese a ello, no ha cambiado de actitud", ha denunciado.
 
Sobre estas trabas parlamentarias, Mintegi ha dicho que "el Reglamento o la rigidez institucional no se puede utilizar para quitar la voz al Parlamento. Por eso, denunciamos que con su actitud, el PNV ha dejado sin voz a esta cámara". "No emitir el mensaje no es una cuestión normativa, jurídica o legal; es una decisión política. SI el PNV hubiera tenido voluntad política, hubiera paralizado la emisión", ha criticado.
 
Mintegi ha terminado su intervención exigiendo "más respeto a EiTB, con el sentimiento mayoritario de la sociedad"; y más "audacia al PNV,para dar pasos en la construcción de una sociedad que quiere ser dueña de sus propias decisiones".
 
Ig, 2012/12/23 - 09:27 — Nagusia

 

EH Bilduk erregearen mezuaren harira ausardia gehiago eskatu dio EAJri

«Mezua ez ematea ez da arazo juridikoa, erabaki politikoa da; argi eta garbi. EAJk borondate politikoa izan balu, erregea ez litzateke ETBn izango». Hala mintzatu zen atzo Laura Mintegi. Koldo Mediavilla EAJko ordezkariak erabakia EITBko zuzendari nagusiari dagokiola defendatu du.

EH Bildu koalizioak kontzentrazio bat deitu du biharko, Bilboko EITBren egoitza aurrean, Estatu espainoleko erregearen mezua telebista publikoan emititzearen aurka protesta egiteko. Laura Mintegiren hitzetan, «mezua ematea lekuz kanpo dago, anakronikoa da eta ez dator bat egun gizarteak nahi duenarekin. Gainera, ez dio elkarbizitzari mesede egiten».

Atzo egindako agerraldian, EH Bilduren Legebiltzarreko bozeramaile Laura Mintegik gai honen harira EITBko zuzendari nagusi Alberto Suriori erregearen mezua ez emateko eskatzeko eman dituzten urratsak azaldu zituen. «Bide guztiak jorratu ditugu, bai Legebiltzarrean bai Legebiltzarretik kanpo», nabarmendu zuen. Hain zuzen ere, Legebiltzarraren kasuan, EAJri leporatu zion «oztopoak» jarri izana aurrerapausoak emateko. Bestalde, EH Bilduk gutuna ere idatzi zion Suriori, bere iritzia jakinarazteko. «Jakin badakigu EAJk ere idatzi ziola gutuna Suriori. Beraz, zuzendariak bere mahai gainean ditu biak, EAJrena eta gurea, eta bi indarron artean 48 legebiltzarkide ordezkatzen ditugu», gaineratu zuen.

EAJk Legebiltzarrean jarritako oztopoen harira, argi hitz egin zuen Mintegik: «Erregelamenduek eta zailtasun administratiboek ezin dezakete Legebiltzarra ahots gabe utzi». Horregatik, salaketa gogorra egin zuen: «EAJk Legebiltzarra mutu utzi du. Mezua ez ematea ez da arazo juridikoa, erabaki politikoa da; argi eta garbi. EAJk borondate politikoa izan balu, erregea ez litzateke ETBn izango», leporatu zion.

Mintegik EITBko zuzendaritzari gizartearekiko errespetu gehiago izateko ere eskatu zion. EAJri ere zuzendu zitzaion: «Ausardia gehiago eskatzen diogu herritarren iritzia gauzatzeko eta herri honek gehiengoz hartzen dituen erabakiak betetzeko».

Koldo Mediavilla Euzkadi Buru Batzarreko Arlo Instituzionaleko arduradunak ere auziari buruz idatzi zuen atzo «Deia» egunkarian. Azaldu zuenez, EITBko administrazio kontseiluko kide zenean, erregearen mezua «beste kate batzuetan» entzun daitekeela, eta, beraz, «gure telebistan» emateak ez duela «inolako balio gehigarririk» sortzen defendatu zuen. Salatu zuenez, Borboiaren diskurtsoa eman behar den edo ez erabakitzea Legebiltzarrari dagokiola defendatu izan dute uneren batean edo bestean EH Bildu, PP eta PSOEk, «baina azken erabakia zuzendari orokorrarena da». Eta Alberto Suriok, erabakitzeko gaitasuna duenak, «Legebiltzarrak eskatuz gero, proposamena onartuko lukeela esan zuen. Halakoa da komunikabide publikoen `independentzia', Legebiltzarraren programazioaren baitan dagoena», amaitu zuen Mediavillak.

http://gara.naiz.info/paperezkoa/20121223/379327/eu/EH-Bilduk-erregearen-mezuaren-harira-ausardia-gehiago-eskatu-dio-EAJri

Ig, 2012/12/23 - 09:28 — Nagusia

 

Laura Mintegi EH Bilduko legebiltzarkideak EAJri leporatu dio EITBk Gabon Gauean Espainiako erregearen mezua igortzearen erantzukizuna. Uste du hori egitea «euskal herritarren borondatearen aurka» jotzea dela. Era beran, salatu du EAJk atzera bota dituela mezua ez emateko Eusko Legebiltzarrean EH Bilduk aurkeztu dituen «ekinbide guztiak». «Borondate kontua da. Oztopo normatiboak ezin dira aitzakia izan ganberak mezuaren aurkako ebazpena ez egiteko», adierazi du Mintegik. «Mezua ez igortzea ez da arazo juridiko edo legal bat; erabaki politikoa da, argi eta garbi. EAJk borondate politikoa izan balu, erregea ez litzateke ETBn izango», nabarmendu du.
 
EH Bilduko legebiltzarkideak azaldu duenez, EH Bilduk azken egunetan legebiltzarrari eskatu dio, besteak beste, adierazpen instituzional bat egiteko eta osoko bilkura deitzeko, Alberto Surio telebista publikoaren zuzendariak eskatu zuen bezala. EAJk, baina, horri uko egin diola salatu du. Mintegik adierazi duenez, bai EH Bilduk, bai EAJk gutun bana bidali diote Suriori, beren iritzia jakinarazteko.
 
Koldo Mediavilla EAJren EBBko kideak, berriz, Deia egunkarian argitaratutako artikulu batean esan du mezua igortzearen «erantzule bakarra» Surio dela, eta jeltzaleak behin baino gehiagotan aurka azaldu direla.
 
Hori hala, koalizio subiranistak kontzentrazio batera deitu du EITBko egoitzaren aurrean biharko. Espainiako erregearen Gabonetako mezua 2009. urtean eman zuen lehen aldiz EITBk, PSE-EE Eusko Jaurlaritzara heldu zen urte berean.
 

Harremanetarako: e i t b @ l a b . e u s

EITB taldeko eta kontratetako langileentzako posta zerrenda bat ere badugu, lehen eskuko informazioa banatzeko: batzorde bilerak, prentsa artikuluak, ekimenak, premiazko deialdiak... Harpidetzeko goian agertzen den helbidera mezu bat bidali, izena aipatuz eta harpidetu beharreko e-posta helbidea adierazita. Bestetik, ezkerreko menuaren goikaldean ageri den bezala RSS, twitter, eta facebook kontuak ere baditugula kontutan hartu.

LAB-EITBk webgune honetan agertzen diren albiste eta artikuluekin ez du zertan bat etorri beharrik, harik eta geuk sinatutakoak ez badira noski. Publikazio horiek interesgarriak edota eztabaidetareko baliagarriak izan daitezkeelakoan argitaratzen ditugu.