Hemen zaude

LAB

Subscribe to LAB jarioa
 
Eguneratua: duela 47 min 48 seg

Instituzioen utzikeriaren aurrean, erantzun sindikal orokorra beharrezkoa da prekarietateari eta langabeziari aurre egiteko

Ar, 2019/09/03 - 13:04

Abuztuko datuen arabera, 147.161 langabetu daude erregistratuta SEPEko bulegoetan, uztailean baino 3.075 gehiago. Gora egin du langabeziak, hortaz. Gehienak, %58,01, emakumeak dira, 85.376. Egoera honen aurrean, Tokian toki hedatzen ari diren lan gatazka zehatzak sustatzearekin batera, erantzun sindikal eta sozial orokorra proposatzen du LABek, bai bestelako enplegu politikak aldarrikatzeko, baita bestelako enplegu politika horiek gauzatzeko beharrezkoa den ahalmen legegilea eskatzeko.

"Lan istripuak prekarizazioaren eta lan baldintzen okertzearen ondorio zuzena dira"

Ar, 2019/09/03 - 12:40

Euskal gehiengo sindikalak deituta, elkarretaratze bat egin dugu Lezon, Ipintza industriagunean, ostiralean hildako 26 urteko langilearen lan heriotza salatzeko. Hildakoaren senide eta hurbilekoei elkartasuna eta babesa adierazi eta gero, LABeko Oarso-Bidasoko arduradun Kristina Getek gogora ekarri du dagoeneko 31 langile hil direla aurten Euskal Herrian, eta azken lan heriotza honen arrazoiak ikertzeko eskatu du: "Argi dugu lan istripuak ez direla kasualitateak sortutakoak. Ematen diren prekarizazioaren eta lan baldintzen okertzearen ondorio zuzena dira".

Gehiengo sindikalaren kontzentrazioa bihar Lezon, ostiralean hildako langilearen heriotzaren aurrean

Al, 2019/09/02 - 15:22

Kontzentrazioa egingo dugu bihar asteartea, irailaren 3an, gehiengo sindikalarekin Lezon. Mobilizazioa 11:30ean izango da, Ipintza poligonoaren sarrerako errotondan.

Abuztuaren 30ean 26 urtetako langile bat hil zen Lezoko Kuluxka enpresan. Hildakoa Recacor enpresako langilea zen eta gurpil neumatiko baten eztandaren ondorioz hil zen. Azken honekin, gutxienez 31 dira urte hasieratik Euskal Herrian lanean hildako langileak.

Enegarren kargu-uztea Osakidetzan EPEaren iruzurraren ondorioz

Al, 2019/09/02 - 14:25

Gaur izan dugu Xabier Balerdi Osakidetzako Giza Baliabideen zuzendariordearen “kargu-uztearen” berri. Osakidetzaren arabera esistitzen ez diren filtrazioek beste “kargu-uzte” bat ekarri digute. Fiskaltza nagusiaren arabera, irekitako prozesuan pieza garrantzitsua zen Balerdi, eta argitu beharko da honetan lekuko edo inputatu bezala jasoko duen errekerimendua. LABen ustez, mediku espezialisten plazen esleipenerako sistema klientelar baten aurrean gaude. Izan ere. Filtrazioen ondoriozko krisia hasi zenean, medikuen kategorietako bateko filtrazioak ikertzeko izendatutako instruktoreetako bat izan zen Balerdi. Horrek agerian uzten du Osakidetzak ez duela inolako borondaterik egia ezagutu dadin.

Gutxienez, 30 pertsona hil dira aurten lanean Euskal Herrian

Or, 2019/08/30 - 17:20
Langile bat hil da goizean Lezon, Ipintza industriagunean, gurpil neumatiko batek lehertu eta gero. Langileak 26 urte zituen eta Recacor enpresan egiten zuen lan.

Imanol Salinas kidearen kontrako jazarpena salatuko dute Altsasun

Or, 2019/08/30 - 12:14

Espainiako Justiziak eragozten ez badu, abuztuaren 31n egingo dute Altsasun 2019ko Ospa Eguna. Sakandarrek jasandako errepresio kasuak salatuko dituzte; haien artean Imanol Salinas LABeko kidearena, kartzelan sartzeko arriskuan baitago protesta sindikaletan parte hartzeagatik.

CAFeko enpresa batzordeak esker ona adierazi dio hil berri den Patxi Epelde artistari

Or, 2019/08/30 - 10:58

Amiantoaren eraginez hildako langileen omenezko eskultura sortu zuen Patxi Epeldek. Hala, enpresa batzordeak doluminak luzatu dizkie haren senideei.

Tecman enpresako langileek 60 egun bete dituzte greba mugagabean

Or, 2019/08/30 - 10:28

Mendaroko ospitaleko mantenimenduaz arduratzen den azpikontratako langileak baldintza prekarioetan lan egiten dutela salatzen ari dira uztaila hasieratik. Soldata izoztuta dute 2011. urteaz geroztik, eta gaueko intzidentzietarako lokalizatuta egon behar duen langileak 11 euro besterik ez ditu jasotzen guardia bakoitzeko, lan bera egiten duten Osakidetzako langileek jasotzen dutena baino lau aldiz gutxiago. Kasu honetan, guardia baino, gaueko lanaldia sortzeko beharraz ohartarazi dute.

Belarrondoko bat eta zehapena PAGNAri

Or, 2019/08/30 - 09:34
Nafarroako Laneko Ikuskatzailetzak arrazoia eman dio LAB sindikatuari, Pertsonen Autonomia eta Garapenerako Nafarroako Agentziaren (PAGNA) menpeko zentro bateko langile bati egindako eraso larri baten ondorioz jarritako salaketa dela-eta. Salaketa prebentzio neurriak ez hartzeagatik etorri zen.

Eusko Jaurlaritzaren gurasotasun lizentziaren dekretua propaganda hutsa dela eta gobernuaren gabeziak estaltzen dituela salatu dugu

Og, 2019/08/29 - 12:20

LAB benetako borroka feministari helduta, klausula feministak proposatzen eta adosten dabil negoziazio eremu ugaritan. Gure ustez, gainera, dekretu hau anbiziosoagoa izan beharko litzateke. Banatu eta transferitu ezin den 18 asteko gurasotasun lizentziaren neurriaz gain, Jaurlaritzaren eremuaren gaindi ezartzeko probestu beharko litzateke, eta toki administrazioetan eta enpresa publikoetan ere egokitzeko aukerak jaso beharko lituzke. Baina, Eusko Jaurlaritzak gehiegietan adierazi du berdintasun planekin ardura eta konpromiso eskasa, propagandaren borondate hutsaren beste adibide bat.

G7ak ekarritako eskubideen urraketak salatu ditugu Bilbon, Donostian eta Iruñean

Og, 2019/08/29 - 09:08

G7ak errepresioa eta eskubideen urraketak besterik ez dituela ekarri salatu dugu Bilbon, Donostian eta Iruñean, G7 EZ! plataformak deituta. Mobilizazioetan beste mundu bat beharrezkoa eta posible dela aldarrikatu dugu, alternatibak ditugula nabarmenduta. Gasteizen ostiralean egingo dugu protesta, 19:00etan, Andra Mari Zurian.

G7ak ekarritako errepresioa salatzeko mobilizatuko gara Bilbon, Donostian eta Iruñean

Az, 2019/08/28 - 10:06

G7a etxean dago jada, Biarritzeko goi gailurra dela-eta Lapurdiko kostaldea aztoratu eta gero. Goi mandatarien aurkako herri mobilizazioa nabarmena izan da egunotan, baita polizia indarren okupazioa eta errepresioa ere. Hain zuzen ere, joan den astean izandako errepresio hori salatzeko protestak egingo ditugu gaur, G7 EZ! plataformak deituta, Bilbon (Frantziako Kontsulatua, 19:00), Donostian (Bulebarra, 19:00) eta Iruñean (Nabarreria, 20:00).

11/13 makroepaiketaren aurka mobilizatuko gara gehiengo sindikaletik, irailaren 6an, Hego Euskal Herriko hiriburuetan

Ar, 2019/08/27 - 13:33

Indarrak bildu eta erantzuteko deia egiten diegu euskal langileei, giza eskubideak, demokrazia eta etorkizunaren alde. Hala, elkarretaratzeak egingo ditugu irailaren 6an, ostiralarekin, 12:00etan, Hego Euskal Herriko hiriburuetan: Bilbon, Eliptika plazan; Donostian, Alderdi Ederren; Gasteizen, Andra Mari Zurian; eta Iruñean, Udaletxe Plazan. Herri honek irtenbideak behar ditu, ez sufrimendua areagotzen duten bide agortuak.

Biarritzera eraman ditugu gure aldarri eta alternatibak, jazarpenak jazarpen

Al, 2019/08/26 - 13:42

G7 EZ! plataformako eragileetako ordezkariok prentsa agerraldia egin dugu, Biarritzen dauden goi mandatariei mezu bat bidaltzeko, hauek euren herrialdeetara itzuli aurretik alternatiben alde borrokatzen jarraituko dugula garbi izan dezaten. Hain zuzen ere, hiriaren atarian egin dugu prentsaurrekoa, G7ren goi gailurraren azken egunean, eta multinazionalen inpunitatearekin amaitzeko garaia dela nabarmendu dugu, giza eskubide eta ekologia eskubideen izenean. Agerraldia amaituta, Biarritzerako bidea hartu dugu, baina poliziak manifestazioa geldiarazi du. Hala, eserialdia egin dugu, neurri eta okupazio poliziala salatzeko eta asteburuan izandako atxiloketak eta jazarpena gaitzesteko. Irun eta Hendaiako kontragailurrean adostutako manifestua ere irakurri dugu. Hain justu, manifestua bera helarazi diogu segurtasun indarren artean azaldutako ordezkari bati, goi mandatariei helaraz diezaien.

Bizkaiko itundutako anbulantzietan kontratu prekarioak eta diskriminazio sexista nagusi direla salatu dugu

Al, 2019/08/26 - 11:30

LAB sindikatuak uste du badela unea Ambuiberica enpresak bere jarrera aldatzeko, praktiketan dagoen jendearekiko eta emakumezko langileekiko. Hortarako, has dadila praktiketan dagoen jendearen kontratuak mugagabe egiten, daudenei zein oraindik berritu ez dituztenei dagokienez.

Osasunbidea: etxea teilatutik hasita

Al, 2019/08/26 - 09:37

Osasuneko kontseilari berria azkar hasi da lanean, baina pentsatu gabe nondik eta nola hasi. Edo bai? Domínguezen lau urteko agintaldiko politika kontinuisten ondotik, kontseilari berriak egin duen lehenengo gauza izan da plantillako kolektiboaren zati bat ordezkatzen duen sindikatu batekin biltzea haien eskakizunak asetzeko bidea aurkitzeko, alde batera utziz departamentuan dauden egiturazko gabezia nabarmenak.

Borrokak indartzera eta aliantzak sendotzera deitu dugu G7ak ordezkatzen duen ereduaren aurrean

La, 2019/08/24 - 13:36

G7aren kontrako manifestazioa arrakastaz gauzatu da Hendaia eta Irun artean. Hain zuzen ere, 15.000 lagun inguru bete dute Hendaiako portua eta Irungo Ficoba arteko bidea, G7 EZ! plataformak deituta. Santiago zubian iritsi da une hunkigarriena, manifestariek mugak eta harresiak modu sinbolikoan eraitsi dituztenean. Behin Ficoban, Bidasoa ibaiaren bestaldean, kontragailurrean aritu garen mugimendu sozial, sindikal eta politikoek adostutako manifestua egin dugu publiko. Berriro ere kapitalismo neoliberalaren aurrean alternatibak ditugula nabarmendu dugu, demokrazia, elkartasuna eta emakume zein gizonen arteko parekidetasuna ardatz.

 Manifestua: Kontragailurraren deia

 Manifiesto: Llamamiento de la contra-cumbre

"Prest gaude mobilizazio berrietan bat egiteko"

Or, 2019/08/23 - 20:32

Familia argazki batekin eta kontragailurraren balorazio baikor batekin amaitu dira Hendaia eta Irunen egunotan izandako solasaldi eta tailerrak. Hain zuzen ere, asteburuko mobilizazioei begira bukatu dira jardunaldiak. Hala, Hendaiako portutik larunbata goizean irtengo den manifestazioa eta igandean Biarritz inguruan egingo diren desobedientzia ekintzen faltan, amaiera ekitaldia egin dugu Ficoban, baina, G7 EZ! plataformako bozeramaileek nabarmendu bezala, borrokak aurrera darrai, ez du etenik: "Prest gaude mobilizazio berrietan bat egiteko".

Bayer-Monsanto enpresaren sarrera blokeatu dugu, multinazionalen jarduera salatzeko

Or, 2019/08/23 - 15:34

Kontragailurretik kilometro gutxira, Biarritzetik gertu, LABek, beste eragile batzuekin batera, ekintza egin du Landetako Peyrehorade herriko Bayer-Monsanto enpresan. Bertako sarrera blokeatu dugu, "zuen irabazia gure minbizia" leloarekin. Hain zuzen ere, ekologiaren eta gure osasunaren kontura aberastu nahi dutenen aurrean, bizitza erdigunean jartzeko aldarria egin dugu. Izan ere, estatuek beste alde batera begiratzen dute multinazionalak tartean daudenean, eta Bayer-Monsanto kapitalismoaren ikurren artean dago. 

Alternatibak garatzera deitu dugu, elkartasuna, balore demokratikoak eta berdintasuna oinarri

Or, 2019/08/23 - 15:15

Kontragailurraren hirugarren eta azken jardunaldian, mugimendu sozial, sindikal eta politikoetako ordezkariok batzar herritarra gauzatu dugu Ficoban, egunotako balantzea egiteko eta larunbata goizeko manifestazioaren amaieran irakurriko dugun manifestua konpartitzeko. Hain zuzen ere, larunbateko protesta 11:00etan abiatuko da Hendaiako portutik, eta Irungo Ficoban bertan amaituko da.

Orriak