Hemen zaude

LAB

Subscribe to LAB jarioa
 
Eguneratua: duela 32 min 59 seg

Beste bost greba egun egingo ditugu Bizkaiko metalgintzan, patronalak sektoreak bizi duen prekarietateari heldu gabe jarraitzen duelako

Ar, 2019/09/10 - 14:37

Goizean, Bizkaiko metalgintza hitzarmenaren mahai negoziatzailea zegoen deituta. Bada, arratsaldean, mahaian ordezkaritza dugun sindikatuok agerraldi bateratua egin dugu, bileraren balorazioa egin eta hemendik aurrerako hurrengo urratsen eta mobilizazioen berri emateko. Hain zuzen ere, borrokan jarraituko dugu FVEM patronalak ez diolako erantzunik eman maiatzak 10eko sindikatuon plataforma amankomuneko eduki eta aldarrikapenei. Besteak beste, bost greba egun egingo ditugu irailaren 30 eta urriaren 4a bitartean.

"Guztiz onartezina da hainbat langilek isekak, mehatxuak eta erasoak pairatu behar izatea", salatu dute Euskotreneko langileek

Ar, 2019/09/10 - 12:28

Pasa den larunbatean, irailaren 7an, eraso egin zioten Euskotreneko langile bati bere jardunean ari zela. Honen aurrean, Euskotreneko batzorde iraunkorrak elkarretaratze bat egin du, Atxuriko geltokian, “Langileak gara, eraso gehiagorik ez” lemarekin.

Tecman enpresako grebalariek itxialdiari ekin diote, euren lan eskubideen defentsan

Ar, 2019/09/10 - 12:09

Tecman enpresako langileek itxialdiari ekin diote Mendaroko ospitalean. Bertako mantenimenduaz arduratzen diren langileak greba mugagabean daude uztailaz geroztik: kokoteraino daude Tecman-ek eta Osakidetzak gutxiesteaz, bigarren mailako langiletzat hartu eta ezikusiarena egiten dutelako. Hortaz, protesta indartzea erabaki dute itxialdiarekin. Goizean, elkarretaratze bat egin dute Mendaroko ospitalaren atarian, eta pankartak jarri dituzte Gipuzkoako hainbat tokitan.

Harremanak sendotu ditugu Portugalgo CGTP IN sindikatuarekin, Europan agenda eraldatzaile bat martxan jartzeko bidean

Ar, 2019/09/10 - 10:30

LAB sindikatuak nazioartean dituen harremanen baitan, Portugalera bidaia garrantzitsua egin berri dute Garbiñe Aranburu idazkari nagusiak eta Koldo Saenz Nazioarteko Harremanetarako idazkariak, CGTP IN federazio sindikalak gonbidatuta. CGTP IN Portugalgo konfederazio sindikal nagusiena da, eta 800.000 afiliatu inguru ditu.

Lan Harremanetarako Euskal Esparrua bermatuko duten tresnak lortzeko lanean jarraituko dugu

Al, 2019/09/09 - 13:34

FEADRS estatu mailako sukaldaritza patronalak Akordio Interprofesionala inpugnatzeko prozesua hasi du. Inpugnazio honek FEADRSen aldetiko xantaiari erantzuten dio, eta honek ez du inolaz ere LABen jarrera aldatuko, argia dena eta mehatxuek aldatuko ez dutena.

Diada egunean izango gara, mobilizazioetan parte hartzeko eta harremanak sakontzeko

Al, 2019/09/09 - 12:38

LABeko ordezkaritza bat, Urtzi Ostolozaga buru, Diada egunean izango da. Hala, Katalunian egingo diren zenbait mobilizazioetan hartuko dugu parte, eta, bide batez, eragileekin harremanak sakontzeko baliatuko dugu bidaia.

Itxialdia egingo dute greba mugagabean dauden Tecmaneko langileek Mendaroko ospitalean

Al, 2019/09/09 - 11:55

Mendaroko ospitalean mantenu lanak egiteko kontratatuak dauden Tecman SVA S.L. enpresako langileek 70 egun daramatze greba mugagabean. Luze egin zaizkien 2 hilabete hauetan egoera ez da ezertan aldatu; Tecman SVA S.L.ren nahiz Osakidetzaren gogo ezak, akordioren bat lotzeko eta egoera askatzeko, ez du mugarik.

Langile publikoen egonkortasunerako aukera Europako epaiaren zain dago

Al, 2019/09/09 - 09:34

Aste honetarako Europako Epaitegiko Fiskalak espainiar estatuko behin-behineko langile publikoen egoerari buruzko iritzia argitaratzekotan zegoen. Izan ere Madrilgo osasun zerbitzuko hiru langileen egoera epaitzen ari dira, 12 eta 18 urte bitarteko aldi baterako kontratu kateatu ugari metatu dituztenak. Fiskalaren iritzia oso erabakigarria izan daiteke urrian zehar epaitegi horrek eman behar duen sententziari begira, zeinaren bitartez Hego Euskal Herriko langile publikoen ia erdien egoera, behin-behinekoena alegia, Europako irizpideak betetzen dituen ala ez ebatziko den.

Lan Ikuskaritza interpelatu dugu Glovoko aferari buruz eta langile baten erreklamazioa auzitegira eraman dugu

Al, 2019/09/09 - 08:50

Abuztuan soldatapeko langile aitortzeko rider baten kasua Lan Departamentuan salatu ondoren, enpresa ez zen kontziliazio saiora aurkeztu. Horregatik, ostiralean eskaria auzitegian erregistratu genuen, eta, bide batez, Lan Ikuskaritzan Glovoren kontrako salaketa sartu genuen.

Bat egiten dugu Jaizkibel konpainiarekin

Or, 2019/09/06 - 16:51

LAB sindikatuak, eta bereziki Oarso-Bidasoa eskualdeak, Jaizkibel konpainiarekin bat egiten dugu aurten ere. Ezaguna da urte luzez emakume langileok izan dugun borroka eta Hondarribian ere hala da. Alarde publiko, parekide eta bakarra lortzeko erronkak berean dirau. Urteetan ez bezala iaz Kale Nagusian bizitako oihu, irain etabar areagotuek atzera pauso nabarmena eragin zuten Jaizkibelek duen normaltasunez desfilatzeko eskubidean. Hori gutxi ez eta udal gobernuak eginiko ordutegi aldaketarako “proposamena” emakume langileon eskubideei irain larria dela uste dugu, subjektu gatazkatsua oker identifikatzen duelako eta saihestezina den parekidetasunerako bidea oztopatzen duelako.

11/13 makroepaiketa bertan behera geratzea aldarrikatu dugu

Or, 2019/09/06 - 09:16

10 egun barru, irailaren 16an Madrilen hasiko den 11/13 makroepaiketa. 47 herritar daude auziperatuta eta 601 urtetako kartzela eskariei egin behar diete aurre. Honen aurrean, mobilizazioak egin dituzte gehiengo sindikaleko sindikatuek Bilbo, Donostia, Gasteiz eta Iruñean. “Giza eskubideak, askatasuna, etorkizuna” lemapean egin dira dira mobilizazioak.

Lan Ikuskaritzak berretsi du Martxoaren 8an greba eskubidea urratu zutela Athletic Club Museoan

Og, 2019/09/05 - 16:16

Athletic Club Museoa kudeatzen duen Azafatas Ercilla enpresa greba eskubidea urratzeagatik zigortua izan da.

Lanera seguru iritsi eta etxera bizirik bueltatzeko eskubidea aldarrikatu dute Sestaoko Carrefour-eko langileek

Og, 2019/09/05 - 11:40

Sestaoko Carrefour-eko enpresa-batzordeak mobilizazioa egin du, abuztuaren 24an lankide batek izan zuen eraso sexista salatzeko. Bertan, elkartasuna adierazi diote erasoa jasan zuen langileari.

Elkartasuna adierazi diogu SAT sindikatuari Sevillan egingo den epaiketaren aurrean

Og, 2019/09/05 - 09:33

Sindicato Andaluz de Trabajadores/as (SAT)-eko 20 sindikalistek Mercadonatik janaria hartu eta Andaluziako behartsuei emateagatik 30 urteko kartzela zigor eskariei aurre egin beharko diote gaur.

Haur eta Lehen Hezkuntza Nafarroan: planifikaziorik egon ezean, ez da taxuzko oposiziorik izango

Az, 2019/09/04 - 16:46
Haur eta Lehen Hezkuntzako irakasleriari eragin dion 2019ko oposizioek berriro ere agerian utzi dute modu honetako prozeduretan badagoela zer hobetua.

Elorrioko haurreskolako haur eta hezitzaileentzat konpentsazioa eskatzen dugu

Az, 2019/09/04 - 13:36
Elorrioko Udaleko eraikinetako garbitzaileen greba dela eta, Haurreskolak Partzuergoak udalerri honetan ematen duen hezkuntza zerbitzua, bihartik aurrera Elgetako haurreskolan ematea erabaki du, irailaren 2ko ikuskaritzako txostenean jasotakoak ez duelako bermatzen haurrak higiene eta osasun baldintza egokietan egongo direnik.

Sara Majarenas eta Izar alabari babesa emateko manifestazioarekin egin dugu bat

Az, 2019/09/04 - 11:53

Mugimendu feministak eta beste zenbait eragilek agerraldia egin dugu, Sara-Izar Babes Plataformak iganderako deitutako manifestazioari atxikimendua adierazteko. Hain zuzen ere, manifestazioa 13:30ean abiatuko da Donostiako Bulebarretik.

BilbaoBiziko langileek irailaren 11ko bizikleta martxarekin bat egiteko deia luzatu diete erabiltzaileei

Az, 2019/09/04 - 10:07

BilbaoBizi Bilboko Udalaren bizikleta alokairu zerbitzuko langileak lan baldintza prekarioetan ari dira lanean, eta, bizi duten egoera salatzeko, mobilizazioak ari dira egiten. Hala, irailaren 11n, bizikleta martxa bat egingo dute, 18:30ean abiatuta, Bilboko udaletxetik irtenda. Mobilizazioarekin bat egiteko deia luzatu diete erabiltzaileei, kalitatezko zerbitzuaren alde eta langileen lan baldintzen defentsan.

Behin behineko irakasleei uda ordaintzeko exijitzen diogu Nafarroako Hezkuntza Departamentuari

Az, 2019/09/04 - 09:08

Iraila iritsi eta bost hilabete eta erdi baino gehiago lan egin duten behin-behineko irakasleei udako ordainketa ez zaiela egin egiaztatu dugu. Ondorioz, Nafarroako Hezkuntza Departamentuak ez du emandako hitza bete, sindikatuen gehiengoarekin sinatutako itunean hala agertzeaz gain, azken asteotan ordainketa egingo zela iragarri baitzuen aipatu erakunde horrek.

Errauste plantaren aurkako giza katearekin egin dugu bat

Ar, 2019/09/03 - 15:26

Erraustegiaren Aurkako Mugimenduak iganderako deitu du protesta, hainbat eragile sozial, sindikal eta politikoren babesarekin. 11:30ean abiatuko da, Kontxako hondartzako Alderdi Ederreko arrapalatik.

Orriak