Hemen zaude

LAB

Subscribe to LAB jarioa
 
Eguneratua: duela 2 ordu 47 min

Gipuzkoako papergintzako bigarren greba egunak ere %90ko jarraipena izan du; ADEGIri dagokio mugitzea

Og, 2019/06/20 - 14:19

Gaurkoan, atzo bezala, Gipuzkoako papergintzaren bigarren greba egunaren jarraipena %90koa izan da. Produkzioa erabat geldituta dago. Manifestazioa egin dute sektoreko langileek Tolosan.

Garbiñe Aranburu: “Aitortza eta erreparazioa behar dute torturaren biktima guztiek”

Og, 2019/06/20 - 13:32

LABeko idazkari nagusi Garbiñe Aranburu Gasteizko Legebiltzarrean izan da gaur, euskal sindikatuetako ordezkariekin eta Foro Sozialaren ordezkaritzarekin batera. Legez besteko proposamena eztabaidatu da osoko bilkuran, torturaren eta botere-abusuen biktimak errekonozitzeari buruz.

Hainbat eragilek 11/13 makrosumarioan auzipetutako 47 herritarrei babesa erakutsi diegu

Og, 2019/06/20 - 12:36

Agerraldi bat egin dugu Bilbon, hainbat eragiletako ordezkarirekin batera, 11/13 makrosumarioan auzipetutako 47 herritarrei babesa emateko eta epaiketaren aurkako manifestua aurkezteko. Sinatzaileok irailaren 14ko manifestazioarekin egin dugu bat.

CAFeko langileek bi orduko lanuztea egin dute Beasainen eta Irunen, lan hitzarmenaren alde

Og, 2019/06/20 - 12:22

CAFen lanuzteak egin dituzte gaur berriro, joan den asteartean bezala. Hain zuzen ere, 10:00etatik 12:00etara gelditu dute ekoizpena Beasain eta Irungo lantegietan, lan hitzarmenaren defentsan. Gaurkoan ere langileen erabateko parte hartzea izan da. Titulatu, enplegatu eta tailerreko langileak, denok elkarrekin, helburu beraren alde mobilizatu dira. Ekainaren 26an eta uztailaren 2an, berriz, hiru orduko lanuzteak egingo dituzte, 10:00etatik 13:00ak bitartean. Bi egun hauetan, manifestazio bana egingo dute Ordizian eta Beasainen, hurrenez hurren. 

Jarraipen oso zabala izan du Bizkaiko Metalgintzako laugarren greba egunak, Ertzaintzaren jazarpenak jazarpen

Og, 2019/06/20 - 12:07

Arrakastatsua izan da Bizkaiko metalgintzan, herrialdeko hitzarmenaren alde, sektorean ordezkaritza duten sindikatu guztiek deitutako laugarren greba eguna. Jarraipena aurreko egunetako greben antzekoa izan da, %80tik gorakoa, eta Sestao eta Barakaldo arteko martxa zein Durango egindako manifestazioa jendetsuak izan dira. Azken honetan, eserialdia egin dute Ertzaintzaren jarrera oldarkorra eta egindako atxilotuak salatzeko.

Asturiasera abiatu gara jazarpen sindikala salatzeko

Og, 2019/06/20 - 10:50

LABeko ordezkaritza bat Asturiasen dago, langileen eskubideen defentsan. Hain zuzen ere, errepresioaren aurkako mobilizazioak antolatu dituzte gaurko, lantokiz lantoki ibiliko den karabana bat eta CSI, CGT Asturias, Suatea eta CNT sindikatuek deitutako manifestazio bat, kasu, Asturiaseko hainbat enpresatan pairatutako jazarpen sindikala salatzeko.

Metro Bilbaoko langileak kalera atera dira kontratazio gehiago eskatzera

Az, 2019/06/19 - 18:00

Langileek kontzentrazioa egin dute gaur Bilbo, Metro Bilbaoren egoitzaren aurrean, enpresa-batzordearen deialdiari erantzunez, salatzeko langile gutxiegi dagoela enpresako kolektibo batzuetan eta, ondorioz, lantaldearen lan-baldintzak eta garraio-zerbitzuaren antolaketa eta kalitatea kaltetzen ari direla.

Egogain helduen egoitzako langileek protestekin jarraitzen dute

Az, 2019/06/19 - 16:05

Eibarko Egogain helduen egoitzako langileek elkarretaratze bat egin dute Eibarren bertan, kalitatezko zerbitzu publikoen defentsan eta murrizketa, pribatizazio eta arduragabekeriaren aurka. Azoka eguna dela baliatuta, Toribio Etxebarria kalean bildu dira. "Gipuzkoako Foru Aldundiak jarrera aldatu arte borrokan jarraituko dugu", adierazi dute. Arratsaldean, Amañan eta Egogainen protesta egitea zuten aurreikusia.

Mobilizazioak ugarituko dira Nafarroan sindikalisten aurkako jazarpen polizial eta judizialari aurre egiteko

Az, 2019/06/19 - 15:33

LAB sindikatuak langileei eskatu die bihar, ekainaren 20an, lantokietan elkartasun erakustaldiak egin ditzaten Nafarroan prekaritatearen eta esplotazioaren aurkako protesta ekintzetan parte hartzeagatik zigortu dituzten edo zigortu nahi dituzten sindikalistei babesa agertzeko eta askatasun sindikalen aldeko aldarria egiteko. 27an Huerta de Peraltako langile baten egoera judizial ankerra aurkeztuko da; 28an elkarretaratze zaratatsua eginen dute Tafallan; eta uztailaren 2an manifestazioa Iruñean.

Osasun eskubidea eta askatasun sindikalaren alde mobilizatu gara Gasteizen, Frenos Araba-ko delegatuaren kaleratzea salatzeko

Az, 2019/06/19 - 14:53

Mobilizazioa egin dugu gaur, Gasteizko Lan Ordezkaritzaren aurrean, Frenos Arabako delegatua kaleratu izana salatu eta osasun eskubidea eta askatasun sindikala aldarrikatuz. Maiatzean kaleratu zuten Gasteizko Jundizeko poligonoko enpresa honetako delegatua. Bere egunean, hauteskunde sindikaletan pertsona hau LABen hautagaia izan zen eta, aurrekoetan bezala, langile gehien-gehienek babestu zuten.

Alconzako langileak mobilizatzen hasi dira, hitzarmen duinaren eta lantegiari Irizar taldearen barruan balioa emango dion plan industrialaren alde

Az, 2019/06/19 - 14:44
Mobilizazioa egingo dute bihar Ormaiztegin, Irizar-en egoitza nagusiaren aurrean.

"Soldata-arrakala toxikoa da, eta bere aurkako borrokan jarraituko dugu"

Az, 2019/06/19 - 13:01

Gipuzkoako komisaldegi eta epaitegien garbiketaz arduratzen diren emakumeek gaur emango dute amaitutzat astelehenean abiatutako kanpaldia, Donostiako Bulebarrean. Hain zuzen ere, gaur bertan bederatzi hilabete bete dituzte greban hasi zirenetik; soldata arrakala salatzeko, besteak beste.

Gipuzkoako papergintzako lehen greba eguna erabat arrakastatsua izan da

Az, 2019/06/19 - 11:36

Greba ia erabatekoa izan da Gipuzkoako papergintzan. Gure datuen arabera, grebaren jarraipena %90koa izan da. Produkzioa geldirik dago lantokietan. Beraz, grebak bilatzen zituen helburu guztiak bete dira. Hernanin egin dugu gaur manifestazioa, eta Tolosan egingo dugu bihar (Triangulo plaza, 12:00).

"Hainbat eremutan urte luzetan sufritutako zapalketekin nazka nazka eginda, langileek borroka beste biderik ez dute ikusi"

Az, 2019/06/19 - 08:55

Industria sektoreko langileak borroka bizian daude, euren lan eta bizi baldintzen defentsan. Gipuzkoako Papergintzak gaur ekin die aurreikusitako hamasei greba egunei, Bizkaiko Metalgintzan berriro egingo dute greba ostegun eta ostiral honetan, Gipuzkoako Grafikagintzan zortzi greba egun deitu dituzte, CAFeko langileak lanuzteak egiten ari dira lan hitzarmenaren alde... Adibide batzuk besterik ez dira. Egoera gatazkatsu hau kontutan hartuta, LABeko Industria federazioko idazkari Eulate Zilonizaurrekoetxearekin hitz egin dugu, borroka hauen guztien berri izateko.

Lanuzteak egiten ari dira Bizkaiko kiroldegi eta kirol zelaietako langileak

Ar, 2019/06/18 - 15:13

Urteko lanaldiaren murrizketa, soldaten doitzea, kontratatutako lanaldien handitzea eta enpleguaren egonkortasuna dira Bizkaiko kiroldegi eta kirol zelaietako langileen aldarrietako batzuk, LAB, ELA eta CCOO sindikatuok babestuta. Horiek lortzeko, lau orduko lanuzteak egiten ari dira gaur eta bihar, 11:00 eta 13:00 eta 17:30 eta 19:30 bitartean. Datorren ekainaren 26an ere egingo dute lau orduko lanuztea, eta ekainaren 27an egun osoko greba. Hainbat kirolgune itxita egon dira gaur goizeko lanuzteekin, bi orduz: Zorrozako igerilekua, Errekaldeko kirolgunea, San Inaziokoa, Azkuna zentrokoa, Atxurikoa, Txurdinagakoa, Artxandakoa, Miribillako igerilekua, La Casillako gimnasioa, Deustuko igerilekua, Abadiñoko kirolgunea, Igorrekoa, Santurtzikoa, Kabiezesekoa, Sakonetakoa...

Lan baldintza duinen alde, mobilizazioa egin dute Bilboko Udalaren aurrean BilbaoBizi bizikleta mailegu zerbitzuko langileek

Ar, 2019/06/18 - 14:46

Lizitazio-proiektu merkeen atzean, langileok ordaintzen dugun faktura dago. Baldintza hauekiko, Bilboko Udala azpi-kontratatutako enpresa bezain erantzule da. Beraz, egoera honekin berehala bukatzeko neurriak har ditzan exijitzen diogu.

CAFeko langileak hitzarmenaren alde ari dira mobilizatzen

Ar, 2019/06/18 - 13:07

Lanuztea egin dute 10:00etatik 12:00etara CAF enpresan. Ostegunean bi orduko lanuzteak egingo dituzte berriro, eta ekainaren 26an eta uztailaren 2an, hiru ordukoak, 10:00etatik 13:00ak bitartean. Hain zuzen ere, bi egun hauetan, manifestazio bana egingo dute Ordizian eta Beasainen, hurrenez hurren. "Langile kolektibo guztien batasunak eta parte hartzeak ahalbidetuko du hitzarmen on bat lortzea", adierazi du CAFeko LABek.

Lanpostuak EITBko langile bat gaixotu du, eta urtebete geroago enpresak prebentzio neurririk hartu gabe segitzen du

Ar, 2019/06/18 - 12:30
Alberto Santos EITBko Prebentzio buruaren kargugabetzea eskatzen dugu.

Zortzi eguneko greba deialdia egin dugu Gipuzkoako Arte Grafikoetan, egiazko negoziazio baten alde eta hitzarmenaren defentsan

Ar, 2019/06/18 - 11:47

LAB, ELA eta UGT sindikatuok elkarretaratzea egin dugu Donostian, ADEGIren egoitzaren aurrean, patronalak Gipuzkoako grafikagintzako hitzarmena blokeatzen ari dela salatzeko. Mobilizazioan bertan, sektorean egingo ditugun lanuzteen daten berri eman dugu: ekainaren 26 eta 27, uztailaren 3 eta 4, irailaren 25 eta 26 eta urriaren 2 eta 3.

[IRITZIA] "Zerbitzu anitzeko enpresak Industrian, prekaritate habiak"

Ar, 2019/06/18 - 09:32

LABeko Industria Federazioko kide Maider Caminosek eta Imanol Rodriguezek zerbitzu anitzeko enpresei eta prekarietateari buruz idatzi dute. "Industria enpresa handiek erabiltzen dituzten tresnak dira zerbitzu enpresak, enpresa handiek sortzen duten lana beste batzuek baldintza prekarioagoetan egin dezaten", salatu dute.

Orriak