Hemen zaude

LAB

Subscribe to LAB jarioa
 
Eguneratua: duela 42 min 18 seg

Gipuzkoako Grafikagintzan akordiorik egon ezean, greba egun gehiagora deituko dugu

Og, 2019/09/26 - 12:51

Gaur, irailak 26, Gipuzkoako Arte Grafikoen sektoreak seigarren greba eguna egin du. Grebak aurreko deialdien jarraipen zabala izan du.

Garbiñe Aranburuk adierazi du "politika ausartagoak" hartu behar direla gurasotasun baimenetik harago

Og, 2019/09/26 - 10:04

Euskal Telebistako "Egun On Euskadi" saioan izan da Garbiñe Aranburu idazkari nagusia, gaurkotasun gaiei buruz hitz egiteko. EAEko Funtzio Publikoko Mahai Orokorra eta Bizkaiko Metalgintzako borroka izan ditu hizpide, baita gurasotasun baimena ere, besteak beste. 

Bizkaiko Metalgintzako langileok enpresak hustu eta kaleak beteko ditugu berriro, irailaren 30 eta urriaren 4 bitartean, patronalaren mehatxuen aurrean

Az, 2019/09/25 - 16:08

Bizkaiko Metalgintzako mahai negoziatzailea bildu da gaur berriro, sindikatuok sektorean deitutako aste osoko grebaren atarian. Gaurko bileran, FVEM patronalak oso arduragabe jokatu du berriro, ez baitu ezer berririk ekarri; astelehenean, irailak 23, aurkeztutako proposamenaren balorazioa sindikatuoi eskatzera mugatu da, sindikatuok bilera horren ostean publikoki azaldu genuenean gure jarrera eta ez nahikotzat jo genuenean, datorren asteko greba deialdia bere horretan mantenduz.

"Bada garaia negoziazio mahaian enplegu publikoan ditugun erronkei aurre egiteko"

Az, 2019/09/25 - 13:35

Biharko, EAEko Funtzio Publikoaren Mahai Orokorraren bilera dago deituta Lakuan. LABetik langile eta zerbitzu publikooi eragiten diguten gaiei ardura osoz heldu behar diegula berresten dugu. Hain zuzen ere, enplegu publikoaren egoera larria gogorarazteko eta proposamenak azaltzeko agerraldia egin dugu gaur. Bertan izan da, besteak beste, LABeko Zerbitzu Publikoetako Federazioko idazkari Gorka Berasategi.

Helduen egoitzetako dekretuak prekarietatea sakontzen duela salatu dugu Gernikan, Batzar Nagusien aurrean

Az, 2019/09/25 - 13:25

Gernikako Batzar Nagusien aurrean elkarretaratzea egin dugu gaur, zerbitzuko titulardunen aurrean, helduen egoitzetako dekretuak langileen bizitza eta lan baldintzetan prekarietate are larriago dakarrela salatzeko, atzo, ohar baten bidez, jakinarazitakoaren ildoan.

Gipuzkoako Grafikagintzako bosgarren greba egunak %70eko jarraipena izan du

Az, 2019/09/25 - 12:37

Gaur, irailak 25, Gipuzkoako Grafikagintzako sektoreak udara ostean deitutako lau greba egunetatik lehen eguna izan du. Gogora ekarri nahi dugu sektoreko langileek jada lau greba egun egin zituztela. Beraz, gaurkoa bostgarren greba eguna da. Eta gaurkoan ere greba arrakastatsua izan da, %70eko jarraipenarekin.

Sexu langileei ahotsa emango diegu Gasteizen, urriaren 24an egingo ditugun jardunaldiak direla eta

Az, 2019/09/25 - 10:20

Ipar Hegoa Fundazioarekin elkarlanean, LAB sindikatuak sexu-lanari buruzko jardunaldiak egingo ditu urriaren 24an, Gasteizen, Montehermoso kulturunean, 10:00etatik eta 14:00ak bitartean. Sexu langileek esateko asko dutelako antolatu dugu jarduera; guk, berriz, oraingo honetan, asko izango dugu entzuteko.

Opusi atsegin ematea, Nafarroako Osasuneko Kontseilaritza berriaren lehentasun

Az, 2019/09/25 - 08:21
Santos Indurain Osasun Kontseilari berriak eta Carlos Artundo zuzendari nagusiak egin dituzten lehen ekintzak Opusen klinikari eta Nafarroako Medikuen Sindikatuari gustua emateko izan dira; horiexek biak dira, hain zuzen ere, oztoporik handiena Osasunbideak behar eta desio duen eraldaketa prozesurako.

Gasteizko Legebiltzarreko Osasun Batzordean salatu dugu Osakidetzak ez duela Lehen Arretaren erronkei seriotasunez heltzeko borondaterik

Ar, 2019/09/24 - 15:57

LAB egon da gaur Eusko Legebiltzarrean, hain zuzen ere, Osasun Batzordean, Lehen Arretari buruz Osakidetzak abian ipini nahi duen estrategia berriarekiko gure desadostasuna adierazteko. Uda baino lehen eskatu genuen gaurko agerraldia. Edurne Agirrek eta Latxe Urangak, biak Lehen Arretako langileak eta LABeko delegatuak, Osakidetzaren estrategia berria puntuz puntu aztertu dute, bertan planteatzen denak Lehen Arretako egoera tamalgarriari ez diola heltzen argi utziz.

Gizarte Ekimeneko ikastetxeetako gatazkak bere horretan dirau, ikasturte berriaren etorrerarekin ere

Ar, 2019/09/24 - 15:56

Abetxukoko La Inmaculada ikastetxean izan gara, Kristau Eskolako ikasturte hasierako ekitaldia dela-eta. Elkarretaratzea egin dugu, EAEko Gizarte Ekimeneko Ikastetxeetako langileentzat lan hitzarmen duin bat aldarrikatzeko.

Gasteizko epaitegietara ere eraman dugu jazarpen sindikalaren salaketa

Ar, 2019/09/24 - 12:03

Jazarpen sindikala salatzeko elkarretaratzeak ari gara egiten, egunotan, Hego Euskal Herriko hiriburuetako epaitegien aurrean. Gasteizen txanda izan da gaur, Arabako hiriburuko Justizia Jauregira eraman baitugu borroka sindikalaren aurkako erasoen eta LABeko zenbait kidek jaso dituzten zigorren salaketa; espetxe zigorrak eta isun ekonomiko larriak, tartean. Hurrengo hitzordua larunbatean izango da, Iruñean deitu dugun manifestazioaren harira, 17:30ean, autobus geltoki zaharretik abiatuta.

Eskubide sozialak murrizten dituzten politikak egiteari utz diezaiola eskatzen diogu EAJ eta PSEren gobernuari, eta kontuan har ditzala eragile sozial eta sindikalek egiten dituzten proposamenak

Ar, 2019/09/24 - 11:31
Eusko Jaurlaritzaren Enplegu eta Gizarte Politiketako Sailak argitaratzen duen Pobrezia eta Gizarte Ezberdintasunen Inkesta aurkezteko egingo diren jardunaldiak direla eta, LAB sindikatuak Gasteizko Gobernuaren jarrera salatu du.

Irailaren 27an, bi orduz eten egingo dugu gure jarduna krisi klimatikoari eman beharreko erantzun ekosozialistari buruz gogoeta egiteko

Ar, 2019/09/24 - 11:12

Datorren irailaren 27an, larrialdi klimatikoa dela-eta nazioarte mailako mobilizazio egunaren aurrean, LAB sindikatuaren ohiko jarduna geratu egingo da. 11:00etatik 13:00etara, bi orduz, LABeko egoitzak itxita izango dira. Geratu egingo gara, krisi klimatikoari eman beharreko erantzun ekosozialistari buruz gogoetatzeko. Aldaketa etxetik hasten baita. Ekimen honekin LAB-ek kapitalismo heteropatriarkal eta ekozidaren kontra agertu eta burujabetza ekosozialista eta feministaren aldeko apustua berretsi egin nahi du. Era berean, deitu diren mobilizazioetan aldarrikapen propioekin parte hartzera deitzen ditu langileak.

Gernikako Batzar Nagusien aurrean protesta egingo dugu bihar, helduen egoitzetako dekretuak langileen bizitza eta lan baldintzetan prekarietate are larriago dakarrelako

Ar, 2019/09/24 - 10:42

Eusko Jaularitzak onartutako dekretuak, arretaren kalitatea bermatzera zuzendutako irizpideei baino, irizpide ekonomizistei eta egutegi legegileari erantzuten die, erabiltzaile zein langileen eskubideen alde egin beharrean. Dekretu horrek gatazka sortzen jarraituko du gizarte zerbitzuen legean finkatutako eskubideak bermatzeko betebeharra dutenen eta hauetako erabiltzaile eta profesionalen artean.

Katalunian izandako polizia operazioa salatu nahi dugu, eta Kataluniako herriari elkartasuna eta babesa adierazi

Al, 2019/09/23 - 15:15

Argi adierazi nahi dugu errepresioaren bitarteaz Estatuak beldurra sartu eta bere proiektu politikoa inposatu nahi baldin badu ere, inoiz ez duela Kataluniak eta Euskal Herriak gure etorkizun politikoa erabakitzeko daukagun borondate politikoa geldituko. Errepresio eta estatu biolentziaren gainetik, Katalunia eta Euskal Herriaren autodeterminazioa gauzatu arte borrokan jarraituko dugu.

Irakaskuntzako ordezkapenetan arduragabekeriaz jokatu duzuelako, karguak utzi orain!

Al, 2019/09/23 - 14:27

Gaur, irailak 23, eta ikasturtea hasi denetik laugarren astea dugunean, oraindik orain irakasleak falta dira eskoletan. Hori salatzeko erreklamazioak aurkeztu ditugu Eusko Jaurlaritzaren delegaritzan, Gasteizen.

Donostia eta Bilboko epaitegien aurrean mobilizatu gara, jazarpen sindikala salatzeko eta Imanol Salinasi elkartasuna adierazteko

Al, 2019/09/23 - 12:23

Iruñean ostiralean bertako Justizia Jauregiaren aurrean mobilizatu eta gero, Donostian eta Bilbon egin dugu gaur protesta epaitegien aurrean, jazarpen sindikala eta Imanol Salinas kidearen aurkako kartzela zigorra salatzeko. Oraingoan ere, megafonoekin irten gara kalera. Izan ere, megafono bat eramateagatik, lan gatazka batean prekarietatea modu baketsuan salatzeagatik, zigortu dute Imanol Salinas. 

Bizkaiko metalgintzako greba deialdiek bere horretan jarraitzen dute mahai negoziatzailearen ondoren

Al, 2019/09/23 - 08:43

LAB sindikatutik esan nahi dugu FVEM patronalak bere planteamenduak aldatzea erabaki badu, ez nahikoak izan arren, Bizkaiko metalgintzako langileen borrokari eta irmotasunagatik dela. Larunbatean, patronalak kontutan hartu zituen sektoreko langileen eskaerak; horrenbestez, hitzarmen duin bat lortzeko bidea oso garbi dugu: borrokan jarraitzea. Hori dela eta, irailaren 30eko asterako deitutako grebek bere horretan jarraitzen dute. Ez dugu etsiko Bizkaiko metalgintzako langileentzat merezi duten hitzarmena lortu arte, horretarako ari baitira borrokan.

EUDELen zuzendaritza berriaren esku dago langileen interesak lehenestea eta udal autonomiak burujabetzaren norabidean ahalbidetzen duen potentzialitatea defendatzea

Al, 2019/09/23 - 06:19
Ostegunean EUDELen Asanblada Orokorra bildu zen Elgoibarren eta bertan, kargu banaketatik harago, ezer gutxi entzun genion bere presidente berria izango den Gorka Urtarani. Aurreko lau urtetako balantzea positibo bezala kalifikatu zuten. Ahaztu zuten, antza, 2017tik Udalhitzen negoziazio mahaia blokeatuta dagoela. Bake soziala ezartzea baino ez bilatzen dutenek erraz ahazten dituzte EUDELen ordezkatuta dauden 245tako udaletako langileen eskubideak eta lan baldintzak.

"Patronalaren amesgaiztoa izaten jarraituko dugu, Bizkaiko metalgintzako langileentzat hitzarmen duin bat lortu arte"

La, 2019/09/21 - 11:40

Bilboko kaleak hartu ditugu LAB, ELA, CCOO eta UGT sindikatuok, Bizkaiko metalgintzako hitzarmen duin baten defentsan deitutako manifestazio bateratua dela eta. Mezu argi bat helarazi diogu FVEM patronalari: indartsu gaude eta borrokan jarraituko dugu gure helburuak lortu arte. "Patronalak entzuten ez bagaitu, urrats eraginkorrak eman ezean, Bizkaiko metalgintzako langileek berriro geldituko dugu sektorea, irailaren 30 eta urriaren 4a bitarteko greba dela eta", ohartarazi du LABeko Industria Federazioko idazkari Eulate Zilonizaurrekoetxeak.

Orriak