Hemen zaude

LAB

Subscribe to LAB jarioa
 
Eguneratua: duela ordu 1 12 seg

Gradua lortu dugu sindikatuko bi afiliaturentzat, UPNk eta Nafarroako gehiengo sindikalak 2002an desegindakoa berregiteko beste urrats bat

Or, 2019/08/02 - 09:33

Europar Batasuneko Justizia Auzitegiak ekainaren 20an emandako epaiaren ondoren, Iruñeko Administrazioarekiko Auzien 1. Epaitegia hasi da administrazio-kontratudunendako graduari buruzko demandak ebazten, eta atzo, epaia eman zuen LABek Osasunbideko bi langileren izenean jarritako demandaren alde.

[BULETIN MOREA]: Hemen duzue Idazkaritza Feministaren argitalpenaren 1. zenbakia

Og, 2019/08/01 - 12:10

Ikasturte amaierarekin batera argirataratu du sindikatuko Idazkaritza Feministak Buletin Morearen 1. zenbakia.

2019ko urtarrilean argitaratutako 0 zenbakiaren ostean, hainbat gai lantzen dira 1. Zenbaki honetan, hala nola, berdintasun-planen iruzurra edo jardunaldi partzialeko kontratatuen kotizazioa. Gainera, martxoaren 8ko Greba Feministaren inguruko editoriala edota Paula Ezkerra ekintzaile feminista eta sexu langileari egindako elkarrizketa ere aurkituko dituzue.

Benetako edukiak exijitzen dizkiogu SEAri Arabako metalgintzan

Ar, 2019/07/30 - 13:36

Gaur, uztailaren 30ean, Arabako metalgintzako mahai negoziatzailea bildu da eta bertan SEAk proposamen berri bat aurkezteko konpromisoa hartu bazuen ere, hasierako proposamenaren moldaketa baino ez da izan, aurreko bileretan aipatutakoa jaso besterik ez baitu egin. Horren aurrean, LABek SEAri exijitzen dio mahaira edukiak ekar ditzan Arabako metalgintzako langileen beharrei erantzuteko.

Osakidetzak ahaztu egiten du euskara langileen ordezkapenetan

Ar, 2019/07/30 - 11:52

LABek ohartarazi nahi du Osakidetzako udako ordezkapenetan, berriro ere, erakundean euskararen erabilera normalizatzeko erronkan atzerapausoak ematen ari direla.

Gasteizko kale-garbiketan ez dira ari adostutakoa betetzen

Al, 2019/07/29 - 15:27

Gasteizko kale garbiketako UTE-LV-RSU langileek greba deialdi desberdinak egin zituzten 2018an zehar. Hauetariko azkena, 2018ko abenduaren 2an geratu zen bertan behera. Erabakia, greba-batzordeak enpresarekin izandako bilera baten ostean etorri zen, akodio batzuk sinatu baitziren, besteak beste, jubilazioen kudeaketa eta norbere kontuetarako egunen ordainketa bermatzeko.

Enpresa-batzordeko ordezkariek agerraldia egin dute gaur Gasteizen, enpresak orduan sinatutakoa bete ez duela eta egoera konpontzen ez bada, beharrezko neurriak hartu beharko dituztela adierazi dute.

LGTB+ kolektiboaren manipulazio eta kapitalizazioaren kontra, kalera ateratzeko deia egiten dugu

Al, 2019/07/29 - 14:02

Irailaren 19tik 23ra European Pride Organisers Association-ek bileta egingo du Bilbon. Honen aurrean, Harro EH Transmaribibollo plataformak manifestazioa deitu du irailaren 21erako bertan, “Harro ez da EuroPride, gure izenean ez” lemarekin. Mobilizazioa 17:30ean abiatuko da, Arriagatik.

Ambuibericako langileek Eusko Jaurlaritzaren aurrean egin dute protesta

Al, 2019/07/29 - 11:05

Ambuibericako langileek kontzentrazioa egin dute gaur Bilbon, Jaurlaritzaren Osasun Sailaren aurrean, enpresaren kontratazio-eredua aldatzea eskatzeko. Izan ere, osasun-garraioan arduratzen den Jaurlaritzaren azpikontrata bat da Ambuiberica, eta kontratu prekarioak eta lege iruzurrean egindakoak egin dizkie hainbat langileri, euren lan-baldintzak prekarizatzearen kontura irabazi enpresarialak are gehiago handituz. Hainbat langileri, gainera, praktiketako kontratua egin zieten eta praktikaldia amaitzean, kaleratu egin zituzten. Ambuibericako langileek adierazi dute Eusko Jaurlaritzak onartu egiten dituela enpresaren jarduera hauek.

Euskal presoen etxeratzea eskatu dugu Debako hondartzan

Az, 2019/07/24 - 15:37

Atzo Gasteizen egin genuen bezala, kalera atera dugu gaur berriro euskal presoen etxeratzearen aldeko mezua. Gaurkoan, Debako hondartzan egin dugu eskualde mailako mobilizazioa. Izan ere, Debaldea eskualdean hilero egiten dira presoen aldeko mobilizazioak, lekuak txandakatuz.

Mendaroko ospitaleko Osakidetzako 200 langile baino gehiagok babesa helarazi diete greba mugagabean dauden Tecman-eko langileei

Az, 2019/07/24 - 15:02

Mendaroko ospitalean mantenimendu zerbitzurako kontratatuta dagoen TECMAN SVA S.L. enpresako langileok 23. eguna daramagu greban. Hasieratik diogun moduan, gure helburuak oso oinarrizkoak dira: pairatzen dugun lan-prekarietatea alde batera utzi eta gure lan baldintzak hobetzea enpresa hitzarmen duin baten bitartez.

Irailetik aurrera borrokan jarraitzeko determinazio osoa adierazi du Protec Arisawako langile-asanbladak

Az, 2019/07/24 - 14:28

Bost egun egon dira Mungiako Protec Arisawa-ko langileak txanda bakoitzeko ordubeteko lanuzteak egiten. Guztira, 15 orduz gelditu dute produkzioa, egunean hiru orduz.

Urteak dira Protec Arisawan aldi baterako langileen kopurua izugarri altua dela. Egiturazko lanpostuak ebentualitatearen bidez betetzen dituzte, langileon lan baldintzak zeharo okertuz horrela. Badira langileak 10 urte baino gehiago daudela enpresan sartu eta irten, gehienez bi urtez lanean eta gero, 6 hilabetez kalera.

Munduko Sindikatuen Federazioak elkartasuna adierazi die 11/13 makroepaiketako auziperatuei

Az, 2019/07/24 - 13:15

Munduko Sindikatuen Federazioak, bost kontinenteetan 97 milioi langile ordezkatzen dituen munduko langileriaren klase-erakundeak, bere elkartasuna berretsi nahi du Euskal Herriko herri eta langile-klasearekin, beste behin aurre egin behar dietenak estatu burgesaren jazarpenari.

Oraingoan 47 euskal herritar dira guztira 601 urtetako kartzela zigorretako fiskalaren eskariari aurre egin behar diotenak. Euren artean dago gure kide den LAB sindikatuko zuzendaritzako kide bat.

Aparteko saria kobratu ez duten SSG-Larrialdiak-eko langileak Jaurlaritzaren aurrean mobilizatu dira

Az, 2019/07/24 - 11:43

Gaur kontzentrazioa egin dugu Gasteizen, Eusko Jaurlaritzaren aurrean, EAEko osasun garraioan ordezkaritza dugun sindikatuok, SSG-Larrialdiak enpresan ez dielako langileei aparte ordainsaria onartu. Bereziki larria da egoera, Eusko Jaurlaritzaren azpikontrata batez ari garelako.

[IRITZIA] Imanol Karrera: "UGT, CCOO eta CENen ohiko egun bat"

Az, 2019/07/24 - 09:16

Imanol Karrera Nafarroako bozeramailearen iritzia daukazue hemen. Lan-osasunaren inguruan idatzi du Karrerak, Nafarroako Gobernuak Prebentzioko Lurralde-Ordezkariak berreskuratzeko hartutako erabakia kritikatzen du, egoeraren larritasuna nabarmenduz. Izan ere, langile bi hil dira Nafarroan uztailaren hasieratik.

Mobilizazioa egin dugu gaur Gasteizen, euskal presoen eskubideen alde

Ar, 2019/07/23 - 14:13

Kalera atera gara gaur presoen eskubideen alde, Gasteizko Andra Mari Zurian. Mobilizazioan hamarnaka pertsonak parte hartu dute eta presoen eskubideak aldarrikatzeaz gain, 11/13 sumarioa salatu dugu.

Jarraipen zabala Bizkaiko kiroldegietako langileen greban

Ar, 2019/07/23 - 13:26

Uztailaren 18 eta 19an egindako lanuzte eta mobilizazio egunaren ondoren, greba eguna izan da gaur Bizkaiko kiroldegietan. Langileek, kontzentrazioa egin dute Bilboko Plaza Eliptikoan.

Epaitegietara eraman dugu Eusko Jaurlaritza, ZUZENEAN zerbitzuko langileei aldebakarrez ordutegian malgutasuna ukatu dielako

Ar, 2019/07/23 - 12:46

LABek epaitegietara eraman du Eusko Jaurlaritza ZUZENEAN zerbitzuko langileei aldebakarrez ordutegian malgutasuna ukatu dielako, eta horrela, gainditu ezineko eragozpenak jartzen diolako kontziliazioari.

Lamincer-eko enpresa batzordeak dei egin die administrazio publikoei ostiraleko heriotzaren arrazoiak argitu, eta egon litezkeen erantzunkizunak garbitzeko

Al, 2019/07/22 - 11:59

Pasa den ostiralean, uztailaren 19an, 57 urtetako Sukarrietako J.M.R.L. langilea hil zen Mungiako Lamincer enpresan, Thyssenkrup taldekoan, femwick batek harrapatuta. Gaur, uztailaren 22an, 24 ordutako lanuztea egiten ari dira laneko heriotza berri hau salatzeko, urte hasieratik Euskal Herrian izandako 28.a. Kontzentrazioa ere egin dute Lamincer-eko langileek enpresa-atarian.

EAEko udaltzaingoak egoera larrian

Al, 2019/07/22 - 09:43
Berriki iragarri den Espainiako Auzitegi Gorenaren 828/2019 sententziak ebatzi du behinbehineko langileak ezin direla mantendu udaltzain lanetan. Administrazio ezberdinen utzikeria dela eta, udaltzainen artean behin-behinekotasun tasa %40 ingurukoa dela esan dezakegu; hau horrela izanda, udaltzain lanetan diharduten ehunka langileen egoera are eta larriagoa dela.

Tecman eta Osakidetza greba eskubidea urratzen ari dira

Al, 2019/07/22 - 09:22

Mendaroko ospitalean mantenimendu zerbitzurako kontratatuta dagoen Tecman enpresako langileek 22 egun daramate euren gure eskubide eta enpresako lan hitzarmen duin baten alde borrokan.

Akordioa lortuta, bertan behera geratu dira Loiuko aireportuko grebak

Or, 2019/07/19 - 17:09

Greba batzordeak langileen asanbladara eraman du gaur enpresaren azken proposamena, AENAko zuzendaritzarekin egin duen bileraren ondoren. Madrilgo ordezkaritza bat ere bertaratu da. Langileen asanbladak erabaki du gutxieneko proposamen bezala onartzea enpresaren eskaintza hau, etorkizunari begira enpresaren lehentasuna enplegua izan behar duen aro baterako oinarriak jartzen dituena. Langileen %77,5ak baiezkoa eman dio proposamenari, %7,5ak ezezkoa eta %15a abstenitu egin da. Ondorioz, greba bertan behera geratu da greba.

Orriak