Hemen zaude

LAB-ZPF

Subscribe to LAB-ZPF jarioa
 
Eguneratua: duela 2 ordu 8 min

Lan eskubideen defentsan irten dira kalera Bizkaiko Aspaceko langileak

Og, 2018/01/18 - 10:25
Zuzendaritzari eskatu diote langileekiko "benetako apustu bat" egitea. Hori gertatu ezean, mobilizazio gehiago deitzea ez dutela baztertzen ohartarazi dute. Gaurko bi elkarretaratze aurreikusi dituzte Bilbon; horietako bat goizean egin dute, Julio Urquijo kaleko Aspaceko egoitza nagusiaren aurrean.

Gehiago irakurri...

Bilbon ere aurkeztu dugu Lorea, Osakidetza eta Osasunbideko asistentzia taldeen ratioak antolatzeko lege proposamena

Az, 2018/01/17 - 11:52
Lorea egitasmoa aurkeztu dugu gaur Bilbon, atzo Iruñean egin bezala. Hain zuzen ere, egitasmo horrek proposatzen du lege bidez ezartzea Hego Euskal Herriko osasun zerbitzuen (Osasunbidea eta Osakidetza) asistentzia taldeen ratio argi batzuk, pribatizazioei eta prekarizazioari ateak ixte aldera. Lorea edo gisako legeren bat onartzea aitzindaria litzateke Europan. 

Gehiago irakurri...

Ratioen antolamendurako lege proposamen bat osatu dugu osasungintzarako

Ar, 2018/01/16 - 10:45
LAB sindikatuak Lorea izeneko egitasmoa aurkeztu du gaur Iruñean, eta, bihar, Bilbon egingo dugu agerraldia, Osasunbidean ez ezik, Osakidetzan ere heldu beharreko eztabaida bat izanik. Hain zuzen ere, egitasmo honek proposatzen du lege bat egitea osasun langileen ratio asistentzialak ordenatzeko. Zentzu honetan, Lorea eztabaidarako proposamen bat da. Enplegu duina eta asistentzia kalitatea bermatuko dituzten osasun asistentzia taldeetarako langile ratioak ezarriko dituen lege aitzindaria da.

Gehiago irakurri...

Bilboko TAOko langileek grebari eutsiko diote kaleratutakoak berronartu ezean

Al, 2018/01/15 - 11:37
Greba mugagabean dira urtarrilaren 2az geroztik. Enpresarekin bilduko da gaur enpresa batzordea, eta bi baldintza jarriko dizkiote mahai gainean protestari amaiera emateko: kaleratutako langileak berronartu eta lan hitzarmena blindatu lan erreformarekiko.

Gehiago irakurri...

Arabako Gizarte Eskuhartzeko hitzarmena negoziatzen jarraitzea dagokigu

Or, 2018/01/12 - 14:05
Pasa den abenduan, Arabako Gizarte Eskuhartzeko langileek hiru greba egun brutu zituzten (13,20 eta 27an), deialdi arrakastatsuak izan ziren, Gobernuan dauden alderdiak urduri jartzea lortu baitzuten. Gaur ostirala, Gizarte Zerbitzuen Diputatuak agerraldia zeukan Batzar Nagusietan, hau aprobetxatuz, elkarretaratzea burutu behar genuen bertan EAJ-PNVri egoera konpontzeko presioa egiteko. Baina, elkarretaratze hau bertan behera gelditu zen atzo arratsaldean. Arabako Foru Aldundiak, AISA Patronalari Arabako Gizarte Eskuhartzeko II. Hitzarmena sinatzeko aukera eskaini zionean.

Gehiago irakurri...

Arabako Gizarte Ongizate Foru Erakundeak baietza eman dio APDEMA eta enpresa batzordearen arteko aurreakordioari

Or, 2018/01/12 - 09:25
Gizarte Ongizate Foru Erakundeak baietza eman dio Adimen-Ezintasuna duten Pertsonen aldeko Arabako Elkarteak (APDEMA) eta Enpresa Batzordeak (LAB, ELA, CCOO) sinatutako aurrekordioari. APDEMAko Enpresa Batzordeak ondo deritzo aurrekordio hau izenpetzeari, azken urteetan galdutako lan baldintzak berreskuratzen delako eta familia eta adimen urritasun duten pertsonei emandako zerbitzu publikoen kalitatea hobetzen delako.

Gehiago irakurri...

Nafarroako Gureak enpresak kaleratutako langileari babesa erakutsi diogu

Al, 2018/01/08 - 13:07
Elkarretaratze bat egin dugu Noian-Eskirotzen industriagunean, LAB, UGT eta ELA sindikatuok deituta, Nafarroako Gureak enpresaren aurrean. Hain zuzen ere, zazpi urte eman ditu lanean kaleratutako langilea, eta Gureak-ek "trebetasun eza" argudiatuta kaleratu du. Hitzarmena urratu du enpresak, lanpostua egokitzeko derrigortuta zegoelako.

Gehiago irakurri...

Greba mugagabeari hasiera eman diote Bilboko TAOko langileek

Ar, 2018/01/02 - 12:40
Udaletxearen aurrean egindako elkarretaratze batekin eta Bilbon egindako kalejira batekin ekin diote protestari. Hain zuzen ere, zazpi langile kaleratu ostean hartutako erabakia da greba mugagabea egitearena, eta, bide batez, pairatzen dituzten lan baldintzak salatzeko baliatuko dituzte mobilizazioak.

Gehiago irakurri...

Bilboko Udalak ez du langileekin hitzartutakoa betetzeko diru-sailik gorde

Or, 2017/12/29 - 12:35
Gaur, abenduak 29, LAB sindikatuak 2018ko Udal Aurrekontuen 1. Kapituluari egindako emendakina tratatzeko Udal Batza bildu da. Udal Gobernuaren (EAJ-PSE) bozeramaileak (Ajuria anderea) berriro 10/2003 Foru Arauko 17.2 artikulua aitzakiatzat erabili du sakoneko eta benetako eztabaida saihesteko. Gure ustez guk aurkeztutako emendakina guztiz bat dator Foru Arauko artikulu horrekin: Sarrerak ez izatea nahiko aurrekontuko gastuei aurre egiteko, edo gastuak ez izatea nahiko beharrizanetarako.

Gehiago irakurri...

Arabako esku-hartze sozialaren hitzarmenaren defentsan irten gara kalera

Az, 2017/12/27 - 11:17
Arabako Esku-hartze Sozialaren Hitzarmen Kolektiboa kolokan dago. Hitzarmen Kolektiboa aurre-akordioaren puntuekin sinatzeko eskatzen dugu sektorean ordezkaritza dugun 5 sindikatuok (LAB, ELA, CCOO, ESK eta UGT), eta, helburu hori bultzatzeko, hiru greba-eguneko deialdia egin dugu abenduan. Hilaren 13 eta 20ko mobilizazioen ostean, gaur hirugarren greba egunari heldu diogu.

Gehiago irakurri...

Akordio itzela lortu dugu Asociación Navarra Sin Fronteras enpresan

Or, 2017/12/22 - 14:36
Duela 30 egun eskas, Asociación Navarra Sin Fronteras enpresaren langile batzordean sartu zen estreinakoz LAB sindikatua, indarrez sartu ere. LABek 50 boto eta 4 ordezkari lortu zituen, eta UGTek, 17 boto eta ordezkari 1. Bada, berriki, LABen 4 ordezkariek akordioa sinatu dute erakunde horren zuzendaritzarekin.

Gehiago irakurri...

Adimen-Ezintasuna duten Pertsonen aldeko Arabako Elkarteko langileek elkarretaratze bat egin dute Batzar Nagusien aurrean

Or, 2017/12/22 - 12:35
Elkarteko hitzarmenean adostutakoa finantzatzeko eskatu dute, baita PPk aurkeztutako zuzenketaren alde ez egitea ere. Adimen urritasuna duten pertsonen etxebizitzetan 100.000 euro murriztuko lituzke zuzenketa horrek.

Gehiago irakurri...

Gipuzkoako zahar egoitzetako lan hitzarmenaren defentsa egin dugu Batzar Nagusien aurrean

Or, 2017/12/22 - 12:16
Gaur onartzekoak dira Gipuzkoako aurrekontuak, EAJ eta PSEren eskutik, PPren laguntzarekin. Aurrekontu hauek betikoa dakarte, dirutza makroproiektuak finantzatzeko, eta diru nahikorik ez zerbitzu publikoetarako. Egun, eta duela urtebetetik hona, Gipuzkoako zahar-egoitzetako lan hitzarmen berria negoziatzeko mahaiak zabalik dirau, eta gabonen aurretik bilera batera deituko gintuztela esan baziguten ere, ez da horrela izan. Bitartean, Gipuzkoako Foru Aldundia beste albo batera begira dabil, arazoa berea ez bailitzan. Hori dela eta, elkarretaratze bat egin dugu Batzar Nagusien kanpoaldean, Donostian, aurrekontuak salatzeko.

Gehiago irakurri...

Bizkaiko etxez etxeko laguntza zerbitzuko langileek lau orduko lanuztea egin dute gaur

Or, 2017/12/22 - 11:21
Bizkaiko etxez etxeko laguntza zerbitzuko langileak borrokan dira, lan baldintza duinen defentsan. hala, abenduan lanuzteei ekin diete, eta gaur aurreikusitako greba egunetatik hirugarrena egiten ari dira; lau ordukoa, kasu honetan. Sektoreak bizi duen egoera larria salatu dute, eta kalitatezko zerbitzua bermatzeko lan baldintzak duinak ezinbestekoak direla aldarrikatu, LAB, ELA, UGT eta USO sindikatuok deituta.

Gehiago irakurri...

"Hemen lan, hemen negoziatu" aldarrikatu dute kolektibitateetako langileek Bilbon, EITBren egoitzaren aurrean

Og, 2017/12/21 - 14:53
Kolektibitateetako langileek elkarretaratze bat egin dute gaur, Bilboko EITBren egoitzaren aurrean. Hain zuzen ere, salatu dute lan bera egiteagatik lan baldintza kaskarragoak dituztela eta lan eskubideak zozkatu egiten direla. "Hemen lan, hemen negoziatu” aldarria bere egin dute protestan.

Gehiago irakurri...

Aldundien aurrean mobilizatu gara

Az, 2017/12/20 - 17:11
Pasa den astean iragarri bezala, gaur EAEko hiru Aldundien aurrean mobilizatu gara LAB eta ELA sindikatuak, sektorean dugun egoera salatzeko. Esan genuen bezala, %36 gainditzen duen behin-behinekotasuna daukagu, azken urteotan ,milaka lanpostu galdu dira eta gure eskubideak eta soldatak eten gabe murrizten joan dira.

Gehiago irakurri...

Gabonetan osasun zentroen ordutegia ez murrizteko eskatzen diogu Osakidetzari

Ar, 2017/12/19 - 17:36
Iazko gabonetan zein uda honetan, Osakidetzako osasun zentro askoren ordutegia murriztu zuen, zentroak 17.00etan itxiz, 20.00etan egin beharrean. Hau guztia, sindikatuak informatu barik eta anbulatorioetako atean ipinitako ohar soil baten bitartez erabiltzaileak informatuz. Hori guztia, langileen oporrak ordezkatzeko langile nahikorik ez dagoenaren aitzakiapean, edo gure iritziz, plantillak oso eskasak direlako eta ez dutelako diru gehiagorik gastatu nahi langile ordezkoak kontratatzen. Arrazoia edozein izanda ere, arduragabekeria politiko galanta iruditzen zaigu hain oinarrizkoa den zerbitzu publiko egun batetik bestera murriztea inorekin kontatu gabe, eta oso arriskutsua den bidetik urrats kualitatiboa ematea. Zer izango da hurrengoa?

Gehiago irakurri...

Iruñeko Miserikordiako langileek garaipentzat jo dute lortutako aurreakordioa

Ar, 2017/12/19 - 16:22
Iruñeko Miserikordia Etxeko greba komitea pozik azaldu da lortutako aurreakordioarekin. Hain zuzen ere, langileek atzo bozkatu zuten akordioaren alde, eta gaur, ordezkariek, agerraldi bat egin dute lortutakoaren berri emateko eta borrokaren balorazioa egiteko.

Gehiago irakurri...

"Iraunkor eta malgua" kontratu mota berriak lan eskubide guztiak ezerezean utziko ditu Osakidetzan

Ar, 2017/12/19 - 15:29
Osakidetzako Zuzendaritzak ez dauka inongo presarik uda aurretik proposatu zituen negoziaziorako puntuak martxan ipintzeko, benetan nahi zuen EPE berri eta Leku Aldaketen argazkia badaukalako, SATSE, SME eta UGT sindikatuei esker. Bitartean, “Iraunkor eta malgua" kontratu mota berria jarri digu mahai-gainean, eta lan-zentroetan dagoen pertsonal falta eta kontratuen egonkortasuna hobetzeko irtenbide bezala saldu nahi digu. Ezta hurrik eman ere.

Gehiago irakurri...

Gasteizko Udaleko langileak kalera irten dira euren lan eskubideen defentsan

Ar, 2017/12/19 - 15:14
Gasteizko Udaleko langileek lanuzteak egin dituzte gaur, eta protesta egunak eragin handia izan du; garraio publikoetan eta udal instalazioetan bereziki. Langileen aldarrikapenen artean daude Soldata baldintza duinagoen eskakizuna, behin-behinekotasunaren aurrean neurriak jartzea, erosteko ahalmenaren berreskuratzea eta Lan Eskaintza Publiko gehiago egitea. Lanuzteekin batera, mobilizazioak egin dituzte.

Gehiago irakurri...

Orriak